ENQERE

Rojnamegerên kurd Sedat Yilmaz û Dîcle Muftuoglû ku ev du roj bûn di bin çavan de bûn nîvî şevê piştî îfadeyê hatin girtin. Piştî biryarê Yilmaz got: “Pergala rêbir hildiweşe, hilweşiya.”

Di çarçoveya Serdozgeriya Komarê ya Enqereyê de li 15 bajaran operasyon hatibû lidarxistin. Di serdegirtinên malan de 19 kes hatibûn binçavkirin. Hevseroka Komeleya Rojnamevanan a Dîcle Firatê (DFG) û edîtora Ajansa Mezopotamyayê (MA) Dîcle Muftuoglû û edîtorê MA’yê Sedat Yilmaz jî di nav binçavkiriyan de bûn. Fîlîz Yilmaz piştî îfadeyên li dozgeriyê hat berdan. 15 kes bi daxwaza girtinê û 3 kes jî bi şertê kontrola edlî sewqî Dadgeriya Cezayê Sulhê ya Nobedar hatin kirin. 

5 KES HATIN GIRTIN 

Dadgeriyê derbarê rojnameger Sedat Yilmaz û Dîcle Muftuoglû, Erol Balci, Abdurrahîm Tanyerî û Ramazan Debe de biryara birgirtinê da. Hevjîna Sedat Yilmaz, Selma Yilmaz, Cahît Kanbay,  Cîhan Guneş, Îsamîl Adanmiş, Cahît Ablay, Mahmut Dogû, Devran Ak, Şemsettîn Toprak, Mehmet Emîn Yildirim, Cevdet Îsmaîlogûllari, Hasan Ozhan, Evîn Ozbek û Sûat Karagoz bi şertê kontrola edlî ya îmze û qedexeya derketina derveyî welat hatin berdan. 

‘PERGALA RÊBIR 10 ROJ ŞÛNVE DIQEDE’ 

Rojnameger Sedat Yilmaz li korîdora edliyeyê bertek nîşanî biryara girtinê da û wiha got: “Pergala rêbir wê 10 roj şûn ve biqede, li ber hilweşandinê ye.” 
HEFTEYA ÇÛYÎ JÎ HIN HATIBÛN GIRTIN

Li aliyê din hefteyek berê jî rojnamegerên kurd Edîtorê Ajansa Mezopotamyaê Abdurrahman Gok, nûçegîhana Jinnewsê Berîtan Canozer, rojnameger Mehmet Şah Oruç û Remzi Akkaya hatibûn girtin.

**

Nûçeya Eleqedar:

- Hejmara girtiyan zêdetir dibe