Diyarname
Di çarçoveya "IF Istanbul" de îro du belgefîlmên bi kurdî têne nîşandayîn.

11'emîn Festîvala Fîlman a Navneteweyî IF İstanbul ku 16'ê mehê dest pê kir û heta 26'ê mehê li Stenbolê dê bidome, îro du belgefîlmên kurdan dike mêvanên xwe.

Belgefîlmê derhêner Zanyar Adamî û David Herdies ê bi navê "Gerîlayê Zarok" û belgefîlmê Îbrahîm Saedî û Zahawî Sanjavî "Hemû Dayikên Min (All My Mothers)" îro saet 12.00'an de li AFM Fitaş 1'ê tê nîşandayîn.

Kurteya Gerîlayê Zarok:
Piştî şer ne tenê kesên beşdarî şer dibin dikevin bin travmayan, nifşê li dû wan jî tê para xwe ji van travmayan digirin. Di vî belgefîlmî de gerîla û kurê xwe vê ezmûnê nîşan didin.
Derhêner Zanyar Ademî li ser travmayên bavê xwe ku li Başûr gerîla bû disekine.
Li ser bandora şer çawa ji nifşek derbasî nifşeke din dibe ev belgefîlm nêrîneke balkêş pêşkêş dike.

Derhêner: Zanyar Adami, David Herdies
Derhênerên Dîmenê: David Herdies, Jörgen Lindskog, Loa Bie, Sophia Olsson

Hemû Dayikên Min:
Li Kerkûkê ew birin "civînekê" lê êdî deng ji wan nehat. 24 sal in ew winda ne.
Belgefîlm li ser windayên kurd ên dema Sedam Huseyîn disekine. Belgefîlm bi çavên jinan êşa wan û hêviya wan a bê hêvî pêşkêş dike.

Derhêner: Zahawî Sanjavî, Îbrahîm Saedî
Senaryo: Ebas Xezalî, Îbrahîm Saedî
Derhênerê Dîmenê: Îbrahîm Saedî
Muzîk: Huseyîn Elîzadeh

***

Nûçeya eleqedar:

- Fîlmên kurdan dibin mêvanên 'IF İstanbul'ê