Diyarname

Komeleya Nivîskarên Sînemayê (Siyad) berî belavkirina xelatan, niha kesên dê xelatên Ked û Rûmetê bide wan eşkere kirin. Li gor daxuyaniya Siyadê îsal dê xelata Rûmetê bidin derhêner Tevfik Başer û lîstikvan Suna Selen, xelata Kedê jî dê bidin derhêner Korhan Yurtsever.

TEVFİK BAŞER

Derhêner Tevfik Başer Beşa Ragihandina Dîtbarî ya Akademiya Hunerên Bedew a Hamburga Almanyayê xwendiye. Di sala 1985'an de senaryoya fîlmê "40 m2 Almanya” (40 Quadratmeter Deutschland) û wekî derhêner, wekî fîlmê xwe yê yekemîn ê metrajdirêj ew kişand. Bi vî fîlMî li Ewropayê beşdarî gelek festîvalan bû. Li Cannesê Xelata UNESCO, li Locarnoyê xelata ‘Leopara Zîvîn’, li Rotterdamê jî Xelata Fîlmê Serketî yê Yekemîn girt.

Ji bilî vê fîlmê “Sahte Cennete Veda” û “Elveda Yabanci” hin fîlmên wî ne.

SUNA SELEN

Suna Selen ku ev 60 sal in lîstikvanî dike, di sala 1959'an de li Oda Tiyatrosu ya Cahit Irgat yekem car derket ser dikê. Ji wê demê de di gelek fîlman de lîstiye. Selen ku li dor 100 fîlmî de rol girtiye, di sala 2003'yan de ji Festîvala Fîlman a Stenbolê Xelata Lîstivana Herî Serketî girtibû. “Cazibe Hanim’in Gunduz Duşleri”, “Zincirbozan”, “Gonderilmemiş Mektuplar”, “Piano Piano Bacaksiz” hin fîlmên wê yên ku têde lîstiye.

KORHAN YURTSEVER 

Derhêner Korhan Yurtseven di sala 1965’an de li studyoya apê xwe dest bi xebata sînemayê kiriye û ji wê salê ve gelek ked daye. Di sala 1977’an de yekem fîlmê xwe “Firat’in Cinleri” kişandiye. Fîlmên wî Berlinale jî têde li gelek festîvalên dinyayê hatine nîşandayîn. Di sala 1979’an de, dema li Berlinayê “Firat’in Cinleri” hat nîşandayîn bi vexwendinê fîlMê duyemîn “Kara Kafa” kişand lê fîlm li Tirkiyeye rastî sansurê hat û nehat nîşandayîn. Di sala 1986’an de fîlmê xwe “Zincir” kişand. Fîlmê ku li gelek festîvalan hat nîşandayîn li Tirkiyeyê derfete nîşandayîna li salonên  sînemayê nedit, loma jî ji bo protestokirina vê yekê fîlmê xwe şewitand. Ew niha ji aliyê Siyadê ve bi Xelata Kedê tê xelatkirin.

Merasima xelatdayîna 55'emîn Xelatên Siyadê roja 4'ê avrelê dê li dar bikeve. Di şevê de ev her sê kes dê bêne xelatkirin.

***

Nûçeyên Eleqedar:

- Siyadê berendamên xelatan ên îsal eşkere kirin

- SİYAD’ê Fîlmên Serketî yên Navneteweyî hilbijartin