Diyarname
Xwediyê twitterê Elon Musk, yek ji avakarên Apple Steve Wosniak, rêveberê Center for Humane Technology (Navenda Teknolojiya Mirovî) Tristan Harris, endazyarên DeepMindê (Meta û Alphabet xwediyê wê ye), rêveberên ast bilind ên Stability AI jî di nav de, 1100 kesên di warê xwe de pispor nameyeke eşkere belav kirin û dijî pêşxistina ChatGPT-4 derketin.
ChatGPT-4 robotê sohbetê ye ku bi rêya zekaya jîrekî tê bikaranîn. ChatGPT-4 ne tenê bersiva tekstê, di heman deme de bersiva pirsên ji dîmen û tekstê pêk tê jî dide. Wan di nameya xwe de bang kir ku ChatGPT-4 zêdetir peş nexin. Wan di nameya xwe de bal kişand ser talûkeyên ji bo civakê û mirovahiyê.
Di nameyê de wisa gotin, "Dema mirov bawer bibe ku dikare li ser bandor û rîskên wê hakim e, wê çaxê dikare ev teknolojî bê pêşxistin."
Wan xwest ku ev xebat ji bo 6 mehan bê rawestandin. Xala balkêş di nav kesên îmze avêtiye bin nameyê de pisporên vî karî hene, lê rêveberê OpenAI (ku Microsoft xwediyê wê ye) Sam Altman nîn e.