Diyarname

Di Lîga Şampiyonan a UEFA'yê de maçên dawî yên Dora 16'an hatin lîstin û bi vî awayî tîmên ku derbas^içarîk fînalê bûn diyar bûn.

Di maçên êvara 15'ê mehê de maça pêşî li Îtalyayê bû. Napoliya ku li Almanyayê 2 gol avêtibûn E. Frankfurtê bi avaraj li mala xwe pêşwazî li mêvanê xew kir. Napolî bi 3 golan ew şand mal û derbasî çarîk fînalê bûn. Golên Napoli Victor Osimhen (45+2, 53) û Piotr Zielinski (dq 64) avêt.

Maça din li Spanyayê bû. Real Madrîdê ku li Îngilistanê tam 5 gol li keleha Liverpoolê jimartibûn û bi 5-2'yan vegeriya bû şatoya kral, li mala xwe tenê golek avêt Liverpoolê û ew bi paş ve şand. Gola Real Madridê di deqîqeya 78'an de Benzema avêt.

Bi vê yekê her du tîmên dawî ku derbasî çarîk fînalê bûn diyar bûn. Tîmên din roja 14'yê mehê û hefteya berê diyar bûbûn.

Di çarîk fînalê de 3 tîmên îtalî, 2 tîmên îngilîz, tîmek alman, portekîs û spanyolî ma.

Tîmên derketin çarîk fînalê ev in:

Bayer Munih

Real Madrid

Benfica

Chelsea

Manchester City

Inter

Milan

Napoli

Ji bo çarîk fînalê roja 17'ê adarê dê pişke bê kişandin. Maçên yekemîn ên çarîk fînalê rojên 11-12'yê avrêlê, maçên duyemîn 18-19'ê mehê dê bêne lîstin. 

***

Nûçeyên Eleqedar:

- MC û Haalandî dîrok nivîsî 

- Çarîk fînalistên pêşî diyar bûn