Diyarname

Me gotibû em rûyê Diyarnameyê nû dikin, lê di dema ku em li ser dixebitîn de erdhej çêbû. Wekî her kesî me ew hêla û em ketin nav xebata erdhejê. 

Û niha ew xebata nîvcomayî me ji nû ve girt dest. Niha di asta ber bi dawî de ye. Rûyeke xweşik çêbû.

Hem rûyeke nû û xweşik wê li pêşberî we be, hem jî dê Diyarnameyeke hê çalaktir li ber we be.

Û helbet dê qunciknivîskarên me yên nû jî hebin. Emê wan yek bi yek ragihînin. Îro em bi nasandina nivîskareke xwe ya jin dest pê dikin: Aytenxan.

Aytenxan ku pirtûkeke wê ya helbestan heye bi nivîsên xwe yê nû dê ligel me be. Em xêrhatinê lê dikin.

Sibê û rojên din emê nivîskarên xwe yên din jî bi we bidin nasîn.

**

Aytenxan kî ye?

Aytenxan, di sala 1976'an de, li Amedê, ji dayik bûye. Di salên 1996-2000'î de li NÇM Şaxa Mêrsînê dest bi xebatên çand û hunerî kiriye. Di sala 2001-2002'yan de li Batmanê li Navenda Çanda Baharê rêveberî kiriye.

Di salên 2004- 2005'an de di Koroya Şaredarîya Baxlarê ya jinan de, nêzî salekê jî di Koroya Şaredarîya Bajarê Mezin de cî girtiye. 

Deh salan li Amed û Mêrdînê di AÇEV'ê de (Weqfa Perwerdehiya Jin û Zarokan) wekî Pêşengê Koman û şêwirmendê qadê kar kiriye. 

Aytenxan hê jî li Amedê dijî û bi helbestê re mijûl e. 

Pirtûka wê ya yekemîn bi navê  "Efsûna" (helbest, 2021) ji Weşanên Lîs derketiye.
**

**
Agahiya eleqedar:

- Em xwe nû dikin...