DiyarName.Com

18.00

Mucizeyên îro

10 roj kî dikare ji bin erdhejê bi saxî derê? Bersiva vê pirsê zehmet e, lê îro ev zehmetî bû rehetî û hin mucîze derketin holê. Li çend bajaran çend kes bi saxî derketin. Va ne ew kes:

228 saet

- Li Ugur Apartmani ya Oymak SOkak a li Antakyaya HAtayê jinek û du zarok piştî 228 saetan bi saxî hatin derxistin.

227 saet

- Li Mereşê jinek bi navê Cemil Kekeç a 74 salî piştî 227 saetan bi saxî hat derxistin.

222 saet

- Li navçeya Onîkîşubat a Mereşê jinek bi navê MElike Îmamoglu a 42 salî piştî 222 saetan bi saşî hat derxistin.

212 saet

Li Taxa Ali Taş a SemSûrê jinek bi navê Fatma Gungor a 77 salî ji bin avahiya 7 qatî bi saxî derxistin.

209 saet

li Ankatyaya HAtay, li Murat Apartmani ya li Fatih Caddesiyê yekî biyanî Faez Ghanam û jina wî Fatma bi saxî hatin derxistin.

207 saet

- Ji bin kavila Merve Apartmani ya Semsûrê kesên bi navên Ramazan Yucel (45 salî) û Berat Yucel (12 salî) hatin derxistin.

206 saet

- Li Onîkîşubatê Ayşegul Bayir (35 sali) ji bin avahiya Îsabey bi saxî hat derxistin.

Bi vî awayî gelek mucîze çêbûn.

17.00
Dewletê kayûm şand ser Navenda Kondînasyonê

Li dinyayê ev jî çêbû: Vê carê kayûm şandin ser Navenda Kordînasyonê ku li Bazarcişa Mereşê ji bo alîkariya mexdûran hatibû çêkirin. Ev navend li gundê Hasankoca ya Bazarcişê hatibû sazkirin.

HDP û komeleyên herêmî li Bazarcixê ji bo alîkariya mexdûrên erdhejê Navenda Kordînasyona Qeyranê saz kiribûn. Ev 10 roj bûn ji wir alîkarî li gel belav kirin Lê vê sibê Qeymeqamê Bazarcixê Mustafa Hamit Kiyici ligel komek leşkeran hat gundê Hasankoca û got ku bi kordînatorê ku ew diyar dikin dê alîkarî bêne belav kirin. Yanê kayûm dişand ser vê navendê. Di navbera qeymeqam û xebatkarên navendê de xirecir çêbû.

Endamên HDP'ê û dilxwazin ku li vê navendê dixebitiyan ketin civînê, dê biryar bidin ku çi bikin.
*

16.30
Erdî 7,3 metre cih guhartiye

Midûrê Kêmkirina Talûke û Erdhejê yê AFAD'ê Orhan Tatar îro got, "Bi erdhejê de 7,3 metre cih guhartiye û bi qasî 400 kîlometre rûyê erdê qelişî ye."

Tatar got ku bandora her du erdhejan bi temamî 2 deqîqe ye. Rûerd 2 deqîqiyan hejiya û wiha dom kir, "Ev erdheja herî mezin e ku di 2 hezar salên dawî de em rast hatine. Kûrahiya her du erdhejan di navbera 8 û nîv û 10 kîlometreyî de bûye. Heta niha 7 metre û nivî erdî cih guahrtiye. Bi temamî 3 hezar û 858 erdhejên dûvik çêbûne. Yên ku şida wan 3 û 4 bûne hezar û 253 heb in, yên ku şida wan navbera 4 û 5'an de bûne 394 heb çêbûne û yên ku şida wan navbera 5 û 6'an de bûne jî bi temamî 38 heb çêbûne."
*

16.00

Li Amedê kampanyaya dijî kirêyên bilind

Piştî erdhejê li Amedê gelekan kirêyên xaniyan bilind kirin. Serokê DÎSÎAD'ê Nurullah Edemen got ku ewê kampanyaya "Ji kirêyên buha zêde re na" dibin dest pê kirin.

Edemen, yên ku buhayên gelek zêde dixwazin, dîsa emlakçiyên vî karî dikin hişyar kir û got, "Ji roja pêşî de ligel Platforma Piştgirî û Parastina Amedê em pir xebitîn, me kir ku pirsgirêkan çareser bikin. Dema me tiştên wisa dikir, hinan dikir ku gel bişelînin. Ji kesên pêdiviya wan bi xanî heye kirêyên gelek buha bilind xwestin. Me xebat da dest pê kirin, kirê jî di nav de yên ku bi buhayên bilind tiştan bifroşin emê diyar bikin û eşkere bikin."

Edemen diyar kir ku ew kampanyayê didin dest pê kirin û ji gel xwest piştgirî bide vê kampanyayê.

15.00

Berpirsên Diyar Galeriayê hat binçavkirin

Xebatên lêgerîn-rizgarkirinê yên li ser kavilê Navenda Kargehan a Diyar Galeria’yê ya Amedê berdewam in. Xwediya wê Hasîbe Yildirim, berpirsyarê projeyê avahîsaz Şeref Kesgun û berpirsyarê projeyê endezyarê înşaetê Mûstafa Cevat Arsiz li Stenbolê hatin binçavkirin. Her sê jî di çarçoveya lêpirsîna Serdozgeriya Komarê ya Amedê ve hatin binçavkirin û biryar hat dayîn ku her sêyan jî bînin Amedê.
*

11.00
NATO 1000 koyteynerî dişîne Tirkiyeyê
Serfermandariya Hêzên Hevpar a NATO'yê ya li Napolî daxuyaniyeke belav kir û got ku ewê 1000 konteyneran ji bo mexdûrên erdhejê bişîne Tirkiyeyê.

Ev konteynerên ku dê bêne şandin li vê beşa NATO ya li Napoliyê ne û li gor hatiye eşkere kirin hefteya pêşiya me beşa yekem dê bikeve rê.

Ev amûrên ku de NATO bişîne di rewşa normal de ji bo xebatên dema tatbîkatê û operasyonan têne bikar anîn. Di nav van de tesîsên xwegermkirinê, jenerator û qadên dermankirinê jî hene.

*
10.30
Migrosê got 22 xebatkarên me mirine

Li Tirkiyeyê yek ji marketên mezin Migrosê daxuyanî şand KAP'ê (Platforma Eşkerekirina Raya Giştî) û got ku di erdhejê de 22 xebatkarên wan mirine, li bajarên erdhejê 66 mexazeyên wan jî bandor girtine ku êdî nayên bikaranîn.
*
10.30

UNICEF: Erdhejê bandor li 7 mîlyon zarokî kir

Fona Alîkarîyê ya Ji Bo ZArokan a Neteweyên Yekbûyî (UNICEF) got ku li Tirkiye û Sûriyeyê erdhejê bandor li 7 mîlyonî zêdetir zarokan kiriye. Her wiha diyar kir ku bi hezaran zarok di erdhejê de mirine.

Nûçeyên Eleqedar:

- Biryarnameyeke li ser xebatkarên saziyên dewletê

- Li Kobanî 13 dibistanan ji ber erdhejê zirar dîtin

- Kahtali Miçê qala erdheja Semsûrê kir

- 5 tîmê bînî zî lîg ra veciyay

- Stûnê wê birîbûn, 50 kes têde mirin

- 14'ê mehê, nûçeyên îro...

- TMMOB: Roj û niv vala derbas bû

- Li Semsûrê hejmar 8 hezarî derbas kir

- Sancar: Bila deriyê Murşîtpinar ê Kobanî vebe

- Li gundên Meletiyê îdîaya bi torpîlê konan belav dikin

- Erdhej, agahiyên 13'yê mehê