Diyarname

Di salên 90'î de Koma Amed yek ji komên navdar ên kurdan bû. Ber bi salên 2000'î ve kom belav bû û hin endamên wê ji muzîkê dûr ketin, hin çûn Ewropayê, hinan da ser rêyek din. Piştî salan hin ji endamên komê Memo Gul, Serhat Karakaş û Suleyman Gultekîn hatin ba hev û strana "Êvar e" carek din xwendin.

Ev strana "Êvar e" di albuma Koma Amed a bi navê "Dergûş" de cih girtibû ku album di sala 1997'an de hatibû derxistin.

Niha bi dengê wan, ev strana gelêrî carek din li pêşberî muzîkhezan e. Em vê wekî klîba hefteyê hildibijêrin û belav dikin.

Kerem bikin...