Diyarname

Cer çi ye? Cerê avê? Cerê şîr? Cerê penîr? Cerê ji axê tê çêkirin? Erê, em qala vî cerî dikin, lê mesela me starana li ser cerî ye. Em serî de bêjin heta niha cer wisa xweşik neketibû ser zimanan… Erê vê carê “cer” gelek xweşik anîne ser ziman û li ber dilan xweşiktir kirine.

Em qala strana “Cerr” dikin ku Koma Pargîn ew amade kiriye û muzîka wê Mehmûd Berazî saz kiriye. Dengbêj Qasimê Şero bi dengê xwe deng û rih daye stranê û Îbrahîm Feqe jî amade kiriye. Niha ev cer, yanê ev stran bi rengek, dengek, klîbeke xweşik li pêşberî muzîkhezên kurd e. Ligel reng, deng û gotinên otantîk, reng û kincên kurdî, cihê klîb hatiye kişandin (gundê Besta Sûs) jî rengekî xweşik li stran û klîbê kiriye.

Derhêner Şêro Hindê bi piştgiriya Komîna Fîlm a Rojeva, Hunergeha Ş.Welat klîbeke serketî amade kiriye.

Em vê klîbê wekî Klîba Hefteyê hildibijêrin û pêşkêş dikin.

Kerem bikin…