Diyarname

Karsaz Elon Muskî eşkera kerd ke înan Îran de 100 termînalê Starlinkî aktîf kerdê. Kompaniya Muskî “SpaceX” wextê destpakerdişê şerê Rusya-Ûkrayna de bi hezaran termîlanê înternetî kerdîbî xizmetê ûkraynayiyan. Enka ê qeybî şaranê îranî zî game eyşte.

Dimay ke keynawa kurde Jîna Emînî hamî kiştişî û çalakiyê protestoyî bî zehf î, dewletey Îranî înternet asteng kerd bî. Elon Muskî soz dabî ke go termînalanê Sterlînkî qeybî enî welatî virazê û bikerê xizmet. Enka Muskî serê twitterê xwu ra eşkera kerd ke înan 100 hebe Starlînkî kerdê xizmet.

Torey Starlinkî dinya de wayîrê 2 hezarî zêdeyêrî peykan a û bi enî peykanê qickenan kena ke wifi û înternet xurt bibo.

Di çalakiyanê protestoyî de heta enka bi seyan tenî merdê, bi hezaran tenî hameyê girotişî. Dewletey Îranî çende tenê ke beşdarî çalakiyan bîbî îdam kerdê.