Diyarname

Parlemena Ewropayê (PE) îro li hev civiya û li ser Rusyayê biryar stand: “Dewleta sponsorê terorîzmê”. PE’yê bi 494 dengan ev biryar girt. 58 mebûs dij derketin û 44 jî bêalî man.

Li PE’yê hat gotin ku Rusyayê di şer de bingeha enerjî ya Ûkraynayê, nexweşxane, dibistan û cihê parastina sivîlan kirine hedef û got ku Rusya “Dewleteke ku rêbazên terorîstane bikar tîne.”

Bi vê yekê PE dike ku Serokdewletê Rusyayê Vladimir Putin ji ber kirinên li Ûkraynayê di pêşerojê de di dadgeha navneteweyî de bê darizandin. Lê li aliyê din di çarçoveya Yekîtiya Ewropayê de tu zagona ku Putinî bidarizîne tune ye, loma jî ev biryar dê wekî biryareke sembolîk bimîne.

Berdevka Wezîrê Karên Derve ya Rusyayê Maria Zakharova ev biryar rexne kir û got, "Ez Parlemena Ewrıpayê wekî sponsorê xêwiyê radigihînim." 

Wezareta Karên Derve yê DYA'yê heta niha Kuba, Kreya Bakur, Îran û Sûriye wekî "dewletên piştgirî didin terorê ragihandibûn."