ENQERE
Greva giştî ya Konfederasyona Sendîkayên Kedkarên Gelemperî (KESK) îro li Enqereyê jiyan rawestand, kedkarên ku beşdarî grevê bûn ji 4 aliyan ve meşiyan Qada Kizilayê. Polîtîkayên AKP’ê, butçeya AKP’ê ji aliyê kedkaran ve hate redkirin.
Hemû kedkarên li Tirkiyeyê beşdarî grevê bûn, li Enqereyê dest ji kar berdan. Ji bilî kedkarên tenduristiyê yên di nexweşxaneyan de, tu kedkarên din xizmet nekirin. Hemû kedkarên gelemperiyê dest ji kar berdan û derketin kolanan. Meşa ku ji 4 aliyan ve pêk hat, li kolana Ziya Gokalpê li hev kom bûn. Kedkarên tenduristiyê li ber deriyê nexweşxaneyan rawestiyan, û li gel meclisên tenduristiyê civîn li dar xistin. Biyarnameya ku AKP’ê derxist û derbe li xizmetên gelemperiyê dixe, pêşkêşî dengdana kedkaran hate kirin. Û kedkaran biryarname red kirin. Partiyên siyasî yên ku piştgirî dan grevê, di meşê de cih girtin.
* Hevseroka BDP'ê Gultan Kişanak li hemberî operasyonên li hemberî DÎHA û çapemeniya din a kurd, ji bo piştgirî bide DÎHA'yê li ser navê DÎHA'ye çalakiya KESK û TTB'ê şopand û çû avahiya DÎHA'yê, ev nûçe nivîsî.