Diyarname

Li Tirkiyeyê dibe tu TFF (Federasyona Fûtbolê ya Tirkiyeyê) çavên xwe bigire û hin tiştan nebîne, lê UEFA efû nake. UEFA'yê ceza li Başakşehîrê û li teknîk dîrektorê wan Emre Belozoglu birî. Belozoglu cezayeke giran xwar.

Emre Belozoglu roja 3'yê kewçêra 2021'ê wekî teknîk dîrektor li tîma Başakşehîrê dest bi kar kir. Û pêre maçên Başakşehîrê yên ligel tîmên Ewropayê jî bi rê ve bir. Helbet UEFA vê yekê qebûl nake ji ber ku lîsansa wî ya UEFA'yê nîn e.

UEFA'yê maça Başakşehîrê ya ligel Maccabi Netanya girt dest û bi sedema  "Shadow coaching" ("Siya Antrenorî", "Antrenoriya Duyem") ceza li Belozoglu Başakşehîrê birî. Sedem ew e ku lîsansa Belozoglu ji bo UEFA'yê nîn e. UEFA'yê heta ku ew lîsansê bi dest bixe ji hemû maçan men kir, yanê bi rê ve birina maçên Ewropayê li wî qedexe kir. Ev rêgez li Tirkiyeyê jî heye, lê wisa diyar e TFF hinek çavên xwe li meseleyê digire.

Ligel vê yekê, bi sedema tevgerên wî yên di dema birêvebirina maçê de 10 hezar Euro cezayê pereyan jî li Belozoglu birî.

Li aliyê din, di maça Netanya da Başakşehîr dereng hatibû maçê, ji ber vê klûbê hem hişyarî xwar, hem jî cezayê 10 hezar Euroyî. Her wiha ji ber vê hişyarî dan antrenor Erdinç Sozer jîu.

Başakşehîr di play-offan de bi ser ket û derbasî Maçên Koman ên Lîga Konferansê ya Ewropayê ya UEFA'yê bû. Maça yekem 8'ê meha pêşiya me dê ligel Heartsê bilîze.

Emre Belozoglu ku dema lîstikvan bû di Fenerbahçeyê de lîst kesekî nijadperest e. Par wekî teknîk dîrektor li Başakşehîrê hat ser kar. Demekê ew jî beşdarî sohbet û xebatên FETO bû, ji ber vê der barê wî de lêpirsîn hat vekirin.