Diyarname

Tirkiya de meaşo asgarî çiqa wo, welatanê bînan ê Ewropa de çiqa wo? Fermo îstatîstîkî:

- Tirkiya ene aşme meaşo asgarî kerd zêde û bi temamî (brut) meaş bî 6741 lîra. Eno zî keno 371 Euro. Bi enî awî di miyanê welatanê Ewropa de welato diyin o ke meaşo tewr tay dano karkeranê xwu. Dimay Tirkiya ra Bulgaristan yeno ke ewca meaş 363 Euro wo.

- Gorey Eurostatî (Îstatîstîkê Ewropa) welato tewr zehf meaş dano Luksembûrgo ke ewca meaşo asgarî 2 hezarî û 313 Euro wo.

- Bi dewre, Belçîka bi hezar û 842 Euro, Îrlanda zî bi hezar û 775 Euro yeno. Hollanda, Almanya 1744, Spanya 1167 Euro meaş dano karkeran. Dimay înan ra bi rêze Slovanya, Yewnanistan, Portekîz, Malta, Litvanya, Çekya û welatê bînî yenê.

-  Rêza tewr cêr de Albeniya û Bulgaristan estê, dimara Tirkiya yena. Û serê Tirkiya de zî Letonya bi 500 euroyî yena. Romanya û Macaristan bi 516 Euroyî serê Letonya de yê.

Enî îstatîskî gorey 6 aşmanê verînan ê emsarî de yê, la Ewropa qeybî şeş aşmanê peyînan meaş kerdo zêde û meaşê înan enî îstatîstîkan zêdeyêriyo.