Diyarname

Tam nîvê sedsalekê, tam 50 sal, erê tam 50 sal in Festîvala Muzîkê hunermendên navdar tîne pêşberî temaşevanan û kêliyên bi coş pêşkêşî wan dike.

Em qala Festîvala Muzîkê ya Stenbolê dikin. Festîvala ku ji aliyê ÎKS’ê ve tê organîzekirin îsal 50’emîn car lidar dikeve. Festîval îsal dê 6’ê mehê dest pê bike û heta 24’ê mehê bidome.

XELATA RÛMETÊ DIDIN OZKAN MANAV

Merasima destpêkirina festîvalê dê li Salona Opera ya AKM’ya Taksîmê li dar bikeve. Orkestraya Filarmonî ya Tekfenê & Kirill Gerstein, saet 20.00’an de dê konserê bide û bi awayê fermî festîval dest pê bike. Berî konserê de merasima xelatdayînê li dar bikeve. Di vê çarçoveyê de festîval îsal Xelata Rûmetê dide Ozkan Manavî. Ligel merasima vekirinê di hefteya pêşî de konserên li AKM’ê di çarçoveya “Beyoglu Kultur Yolu Festîvalî” de dê bêne pêşkêşkirin.

KONSERÊN DAWIYA HEFTEYÊ

Di festîvalê de di bin beşa “Muzîklî Bîr Hafta Sonu” (Dawiyeke Hefteyê Ligel Muzîkê) de ji bo zarokan û mezinan dê bê here konser bêne pêşkêş kirin. Di nav konserên bê pere de yek jê jî li Şerefiye Sarnicî (10’ê mehê, saet 21.00). Çaglar Fidan (vokal, daire, def), Asineth Fotini Kokkala (kanûn) û Nikos Papageorgiou (tenbûr, lavta) bi konsereke taybet ku navê “Îstanbul: Şehrin Muzîgî” (Stenbol: Muzîka Bajêr) lê kirine derkevin pêşberî temaşevanan. Her wisa gelek gotûbêj û sohbet jî di festîvalê de dê li benda mêvanan bin.

KES Û KOMÊN NAVDAR

Di nav bernameyê de bi dehan kom û hunermendên navdar, orkestra û komên muzîkê hene. Komên muzîkên yên wekî Deutsches Symphonie-Orchester Berlîn, Orkestraya Filarmoni ya Tekfenê, Orkesetraya Filarmoni İstanbul Borusanê, Orkestraya Senfoni ya Bilkentê dê konserên xwe pêşkêş bikin. Dîsa muzîkarên navdar ên wekî Anna Prohaska, Gautier Capuçon, Fazil Say, Kirill Gerstein, Alice Sara Ott bi hunera xwe dê biin mêvanên Stenbolê.
Ji bo agahiyên zêdetir:
- muzik.iksv.org/