Diyarname

Ev foto nû hatiye kişandin û Associated Pressê (AP) îro belav kiriye. Rewş ev e, êdî dê pêşkêşvanên jin bi vî awayî nûçeyan pêşkêş bikin. 

Li gor nûçeya ku hatiye belavkirin li ser fermana Talîbanê kanalên televîzyonê yên Afganistanê biryar dane ku pêşkêşvanên jin rûyê xwe bipêçin û bi vî awayî nûçeyan pêşkêş bikin. Ev foto jî fotoyê pêşkêşvana TOLONewsê Sonia Niyazî ye ku piştî vê biryarê, yanê nû hatiye kişandin. 

Kanalan berê biryar neanîn cih lê niha pêşkêşvanan ji bilî çav û eniyê wan rûyê xwe girtin. Pêşkêşvanên TOLOnews, Televîzyona Ariana, Shamshad TV û 1TV ev biryar anîn cih. 

Pêşkêşvan Niyazî gotiye, "Talîbanê gotiye pêşkêşvanên ku rûyê xwe negire û derkeve pêş ekranê dê ji kar bê dûrxistin."

Midûrê TOLONewsê Khpolwak Sapai jî diyar kiriye ku duh li wî geriyane û bi ayawekî teqez ji wan xwestine ku li gor biryarê tevbigerin. Piştî zordariyê kanal mecbûr mane ku biryarê bînin cih.