Diyarname

Kompaniya lêkolînê Artibîr li 26 bajaran ligel 1500 kesî lêkolînek kiriye. Lêkolîn di navbera 21-30'ê avrêlê de hatiye kirin. Ji lêkolînê li ser siyaset, televîzyon, rojname û hwd. encamên balkêş derketine holê.

Va ne notên ji wê anketê:

- Sedî 72,6 hilbijartina pêşwext dixwazin.

- Sedî 65,4 dixwazin pergala parlemengerî ya xurt ji nû ve bê sazkirin.

- Sedî 53,8 hikumeta Tirkiye di warê polîtîkaya derve de serketî nabînin.
HDP SEDÎ 12,6 DERKETIYE

- Sedî 29 gotiye ezê dengê xwe bidim AKP'ê, sedî 27,2 gotiye CHP. Bi rêzê îyî Partî sedî 14,2, HDP sedî 12,6, MHP sedî 6,2, Deva sedî 4,6, Gelecek sedî 2,3, Saaed sedî 1,8, Yenîden Refah sedî 0,7, Memleket sedî 0,4, Zafer partîsî sedî 0,3 derketiye.

- Sedî 48,6 gotiye ez deng nadim Recep Tayyip Erdogan, sedî 37,3 gotiye ez deng didim, sedî 14,1 bêbiryar derketine.

- Sedî 42,3 gotine ezê dengê xwe bidim Îtîgaka Komarê, sedî 41,4 gotine ezê deng bidim Îtîfaqa Miletê.

- Li ser pirsa pirsgirêka sereke ya Tirkiyeyê çi ye? Sedî 55,2 gotiya aborî, sedî 27,3 gotiye buhabûna tiştan, sedî 14,6 gotiye koçberê hatine, sedî 2,1 gotiye hemû.

TEMAŞEKIRINA KANALAN

- Sedî 24,8 bersiv nedaye, negotine ka li kîjan kanala nûçeyan temaşe dike ku ev rêjeya herî bilind e. Dûre bi sedî 14,6 kesan gotiye ez li Halk TV temaşe dikim. Dûre bi sedî 13,4 CNN, piştî vê Foks TV bi sedî 8,3 tê ku Foks TV ne kanaleke nûçeyan e. Bi rêzê A Haber bi sedî 8,2, Haber Turk bi sedî 7,9 hatiye. Paşê yên din t ên.

XWENDINA ROJNAMEYAN

- Li ser pirsa xwendina rojnameyan Sedî 39,4 gotiye qet naxwîne, sedî 16,4 gotiye ji rojnameyên navderbas bûyî hez nake. Dûre bi sedî 17,6 Sozcu hatiye ku wan gotiye em wê dixwînin. Paşê bi sedî 7,8 Hurriyet, 5,4 Sabah, 3,4 Cumhuriyet hatiye û paşê yên din.

AZADIYA ÇAPEMENIYÊ

- Di anketê de sedî 72,6 gotiye li welat azadiya çapemeniyê nîn e, sedî 17,3 gotiye heye, sedî 10,1 gotiye tu fikra min nîn e.

- Sedî 65,8 gotiye firsenda min hebe ezê herim derveyî welat. Sedî 22,4 gotiya na û sedî 11,8 gotiye tu fikra min nîn e.

MIROV NE DILŞAD IN

- Li ser pirsa hûn xwe dilşad hîn dikin an na, sedî 38,4 gotiye ez ne dilşad im, sedî 18,1 gotiye ez qet ne dilşad im. Sedî 22,5 gotiye piçek dilşad im, sedî 15,3 gotiye dilşad im û tenê sedî 5,7 gotiye ez pir dilşad im.

- Sedî 54,7 gotiye zemê elektrîk û doxalgazê pir bandor li wan kiriye, sedî 31,4 gotiye bandor li wan kiriye, sedî 7,6 gotiye piçek bandor li wan kiriye. Tenê sedî 4,5 bandor li min nekiriye. Sedî 1,8 qet bandor li min nekiriye.

- Li ser pirsa AKP di warê aborî de çiqas serketî ye, sedî 37,5 gotiye ne serketî ye, sedî 28,4 gotiye gelek xerab e, sedî 9,2 gotiye ne serketî ye, ne jî xirab e. Tenê sedî 7,4 gotiye pir serketiye û 17,5 gotiye serketî ye.

- Di warê dahatûya malbatê de jî sedî 64,8 gotiye di 5 salên dawî de dahatûya wah kêm bûye, sedî 27,5 gotiye heman awayî maye û sedî 9,5 gotiye dahatûya me zêde bûye.