Diyarname
Paytextê Îngilistanî London de emsar miyanê rocanê 27’ê hezîranî û 10’ê temmûzî de Tûrnûvaya Tenîsî Wimbledon go viraziyo. Rayedaran biryar da ke tenîskarê rus û belarusî nêgirê tûrnûva.
Hetê tenîsî de Rusya raver şiya. Zehf tenîskarê rus kunê tûrnûvayan. Belarus ra zî tenîskarê bi name û veng estê.
Tenîskaro rus Daniil Medvedev hetê yew mêran de dinya de di sewîyeya diyin de wo. Tenîskarey Belarusî Aryna Sabalenka zî dinya de sewîyeya çarinan de wa. Enî û tenîskarê bînhi go nêşkê şorê Wimbleronê Londonî.
Wezîrê Sporî yê Îngilistanî Nigel Huddlestonî verî vat bhi ke Daniil Medvedev eşkera nêvaco ew paştey Putînî nêgîno, ma go ê nêgînê tûrnûva.
Yewbiyayişê Tenîskaranê Profesyonelî (ATP), Yewbiyayişhe Tenîsê Pîrekan (WTA) û çar grand slaman eşkera kerd bî ke semedê êrîşê Rusya ê serê Ûkrayna de û semedo Belarus paştî dano Rusya, go ê nêverdê tenîskarê enî welatan bi name û aley welatê xwu bikoy tûrnûvayanê tenîsî.