Diyarname

Li FA Cup û li Kûpaya Kral tîmên ku derketin fînalê diyar bûn, di Coppa Italia de jî tîmek diyar bûn, dîmê din 19’ê mehê diyar dibe.

FA CUP

Di maçên nîv fînalê yên FA Cupê de tîma Liverpool tîma Manchester City bi 3-2 têk bir û derket fînalê. Ji bo fînalîstê din Chelsea û Crystal Palace hatin hemberî hev. Chelsea bi 2-0 bi ser ket û bilêtê fînalê kir bêrîka xwe. Bi vî awayî du tîmên mezin ên îngilîz Liverpool û Chelsea di fînala FA Cup de bûn reqîbên hev. Maça fînalê roja 14’ê gulana 2022’yan dê bê lîstin.

KÛPAYA KRAL

Di Kûpaya Kral a Spanyayê de Valenciayê tîma Athlecit Bilbao bi 1-0 têk bir û bû fînalîstê yekem. Dûre di maça din de Real Betisê û Rayo Vallecano hatin hemberî hev. Maç bi 1-1’ê bi dawî bû, lê ji ber ku di maça yekem de Real Betis bi 2-1 bi ser ketibû, bi encama 3-2 derket fînlê.

Di fînalê de Real Betis û Valencisa dê ji bo kûpayê bilîzin. Maça fînalhe roja 23’yê avrêlê tê lîstin.

COPPA ITALIA

Di Coppa Italia de du tîmên mezin di nîv fînalê de hatin hemberî hev? Inter - Milan. Di maçê de Inter bi 3-0 bi ser ket û navê xwe li texteyê fînalê kûpayê nivîsî. Maça din a nîv fînalê di navbera Juventus û Fiorentina de ye. Maç wê êvara 20’ê mehê saet 22.00’an de bê lîstin. Kîjan tîm bi ser bikeve di fînalê de dê bibe reqîbê INterê. 

Maça fînalê ya Coppa Italia roja 11’yê gulana 2022’yan dê bê lîstin.