Diyarname

41’emîn Festîvala Fîlman a Navneteweyî ya Stenbolê îsal di navbera 8-19’ê avnêlê de li dar dikeve. Festîvalê niha endamên juriyê eşkere kirin. Di festîvalê de beşên Pêşbaziya Neteweyî, Pêşbaziya Belgefîlmên Neteweyî, Pêşbaziya Kurtefîlman a Neteweyî û Pêşbaziya Fîlmê Pêşî ya Seyfî Teoman hene û niha endamên wan diyar bûn.

PÊŞBAZIYA NETEWEYÎ

Di Pêşbaziya Neteweyî de serokê juriyê derhêner Onur Unlu ye. Endamên din jî ev in: Lîstikvan Demet Evgar, derhênerê dÎmenê Bariş Ozbîçer, hunermend û perwendekar İnci Eviner û sazkar Marsel Kalvo.. Di vê beşê de ji bo fîlmê serketî 150 hezar Tl dê bê dayîn. Dîsa di warê derhêner, lîstikvan, senaryo, derhênerê/a dîmenê, vesazkirin, derhênerê/a dîtbarî û muzîkê de jî xelat têne belavkirin.

PÊŞBAZIYA BELGEFÎLMAN

Di warê Pêşbaziya Belgefîlman de şelat 20 h ezar TL ye. Jurî wekî serok ji derhêner Kivilcim Akay, akademisyen û nivîskara sînmeayê Melis Behlil û derhêner Yunus Emre Yalçin pêk tê.

PÊŞBAZIYA KURTEFÎLMAN

Xelata Kurtefîlmê Herî Serketî 10 hezar TL ku bi sporsoriya Anadolu Efesê tê dayîn. Di vê beşê de jurî ji sazkar Cihan Asli Filiz, lîstikvan Asli Înandik û derhêner Malaz Usta pêk tê.

XELATA SEYFÎ TEOMAN

Derhêner Seyfî Teoman di sala 2012'yan de mir. Ji wê demê de festîval bi navê Xelata Fîlmê Pêşî ya Seyfî Teoman xelatek didin fîlmên pêşî yê derhêneran. Xelata vê beşê 30 hezar TL ye. Îsal endamên juriyê yên vê beşê derhêner Nisan Dag, nivîskarê sînemayê û sazkarê fÎlmê Cedric Succivalli û sazkar Çagil Bocut in

** 

Foto: Bi rêzê: Pêşbaziya Neteweyî (Onur Unlu), Pêşbaziya Belgefîlman (Kivilcim Akay), Pêşbaziya Seyfî Teoman (Nîsan Dag), Pêşbaziya Kurtefîlman (Cîhan Asli Filiz).

 ***

 
Nûçeyên Eleqedar:

- Xelatê Rûmete ê Sînema hamey eşkerakerdin 

- Serokê Juriyê Festîvaley Stenbolê eşkera bî 

- Festîvala Stenbolê li benda fîlman e

*** 

MAIL: diyarname@diyarname.com