Diyarname

Rojnameya heftane Xwebûn niha hejmara xwe ya 110'emîn pêşkêşî xwendevanên xwe kir. Rojnameyê sernavê "Polîtîkaya dewletê dikuje" bikar aniye.

Van demên dawî li girtîgehan gelek girtî canê xwe ji dest didin. Herî dawî Ramazan Turan ê 70 salî li Girtîgeha Wanê mir. Rojnameya Xwebûnê ku hejmara xwe ya 24-30'yê rêbendanê pêşkêşî xwendevanên xwe kir ev mijar kiriye manşet. Di bin manşeta "Polîtîkaya dewletê dikuje" de wisa hatiye gotin: "Malbatên girtiyên nexweş li Wan û Amedê bi mehan in ji bo girtiyên nexweş bên berdan Nobeda Edaletê digirin. Lê hêj hikûmet bêdeng e û guh nade daxwazên malbatan. Ji ber helwesta hikûmetê girtiyê 70 salî Ramazan Tûran ê li Girtîgeha Ewlehiya Bilind a Wanê di hucreya yek kesî de jiyana xwe ji dest da. Li gorî raporên mafên mirovan Hezar û 604 girtî divê bi lez bên berdan."

Wekî hejmarên din di vê hejmarê de jî nûçe, nivîsên cur bi cur hatine pêşkêş kirin. Di rûpela jinan de Berjîn Tekoşer li ser "Helbestvana jîr Reşhê Esfehanî" nivîsiye. Di rûpela kirmanckî (zazakî) de weçînayişê dersan, di rûpela dinyayê de "Aloziya Ukraynayê bandorê li Sûriyeyê jî dike" derketiye pêş.

Hevpeyvîna vê hefteyê ligel edîtora rojnameya suryaniyan "Sabro" Marta Somek hatiye sazkirin.

Ji bilî nûçe û nivîsan vê hefteyê van qunciknivîskaran quncikê xwe nivîsandine: Munewer Azîzoglu Bazan, Feratê Dengizî, Samî Hêzil, Felemez Ulug, Cemil Oguz, Kenan Colemêrgî, Agîk Yazar.

Ji bo abonetî:
Tel:0 (541) 806 84 85