Amed
Ciwanên Sivîl ku bi slogana, 'Em gelek bûn tirk hinekê jî em bibin kurd' li Amedê bûn kurd.

Ciwanên Sivîl ku ji bo "Em hinek bibin kurd" hatibûn Amedê piştî ku bernameya xwe temam kirin bi merasîmekê sertîfîkayên xwe yên "Hinekê bûne kurd" girtin.

Merasima ku li Mala Dengbêjan bi tevlibûna Midûra Çand û Turîzmê ya Şaredariya Bajarê Mezin a Amedê Cevahîr Sadak Duzgun, hunermend Rojîn, Koma Ciwanên Sivîl ku ji 20 kesan pêk dihat û gelek kesan li dar ket. Di merasîmê de Ciwanên Sivîl şahiyek li dar xistin. Di şahiyê de ciwanên ku di nav de kurd, tirk, ereb, makedon û laz cih digirin, bernameyeke ku bi xwe amadekiribûn pêşkeş kirin.
Ciwanên ku du meh li Stenbolê perwerdahiya zimanê kurdî dîtibûn di wê çarçoveyê de, tiştên di encama perverdehiyê de hinbûbûn pêşkêşî beşdaran kirin.

Ciwanan stran û helbestên kurdî pêşkêşî temaşevanan kirin. Di şahiyê de ji bo li çepikan dan û bi vê yekê temaşevanan qebûl kir ku ew "Hinek bûne kurd".
Piştî qebûlkirina wan a kurdbûnê, Midûra Çand û Turîzmê Cevahîr Sadak Duzgun sertifîqeyên li ser "Hinek bûne kurd" nivîsandibûn dan Ciwanên Sivîl.

Ji DÎHA'yê hatiye girtin