Diyarname

Du roj berê jinan bi navê "Ji bo Azadiya Aysel Tugluk 1000 Jin" kampanyaya îmzeyan dabû dest pê kirin. Niha kampanya gihîşt 5 hezar kesî.

Siyasetmedar, mebûsa HDP'ê ya berê Aysel Tugluk li Girtîgeha Tîpa F ya Kandirayê girtî ye. Ligel ku rapora "Nikare li girtîgehê bimîne" heye jî ew nayê berdan.

Li ser vê jinan ji bo azadiya Tugluk kampanya da dest pê kirin. Ji bilî Tirkiyeyê ji Almanya, Fransa, DYA; Swêd, Belçîka, Avustralya û Qraliyeta Yekbûyî jî jinan piştgirî da kampanyayê.

Jin balê dikişînin ser rapora Saziya Tiba Edlî ya Stenbolê û dixwazen Tugluk bê berdan.

Li aliyê din li nav tora civakî bi navê "#BinlerceAyseliz" (Em bi hezaran Aysel in) tag hat vekirin û gelek kesî li wir nivîs û vîdyo vekirin, daxwaza berdana Tugluk kirin.