Diyarname

Li ser hilbijartina Lîbyayê, meseleya Pandemiyê ku Gates girt dest û li ser santralan. Vane çend nûçeyên li dinyayê derketine pêş...

LI LÎBYA HILBIJARTIN BETAL DIBIN

Li Lîbyayê divê 24'ê mehê hilbijartin li dar biketa, lê berî hilbijartinan bi du rojan biryara betalkirinê hat dayîn. 

Wekîlê Serokê Komîsyona Meclisê el-Hadi el Sagir nameyeke ji bo Serokê Nûnerên Meclisa Lîbyayê Akile Salih şand û têde got: "Ev fikir bi me re çêbûye ku ne mimkûn e 24'ê mehê hilbijartin çêbibe."

Nehatiye gotin ku di nameyê de dîrokeke din hatiye vegotin yan na lê tê gotin ku dixwazin di 24'ê rêbendana 2022'yan de hilbijartinê çêbikin.

Li aliyê din Serokê Komîsyona Bilind a Hilbijartinê ya Lîbyayê Îmad el Sayîh ferman daye ku komîteyên ji bo piştgiriya hilbijartinê hatine çêkirin bêne betalkirin.

GATES: DIBE KU PANDEMÎ XILAS BIBE

Avakarê Microsoftê Bill Gates li ser rewşa nû ya Covid-19 axiviye. Gates gotiye ku ji ber Omicronê wî tatîla xwe betal kiriye û wisa gotiye, "Omicron zû belav dibe. Hê nayê zanîn Omicron çiqas nexweşî çêdike, heta ev bê fêmkirin divê bi awayekî cidî li meseleyê bê nêrîn."

Gates ji bo dema pêşiya me gotiye, "Baweriya min ew e ger gavên rast bêne avêtin di sala 2022'yan de dê pandemî bi dawî bibe."

BELÇÎKA SANTRALAN BETAL DIKE

Hikumeta Belçîkayê iryar da ku di sala 2025'an de hemû santralên enerjiyê yên welat betal bike. 

Hê nayê zanîn ku piştî ev santral bêne girtin dê Belçîka pêdiya xwe ya bi enerjiyê çawa çareser bike.

Roja 11'ê adara 2011'ê de li Fukuşima santral teqiya bû, 2 kes miribûn, bi dehan kes birîndar bûbûn. Piştî vê bûyerê Almanyayê biryar dabû ku heta sala 2022'yan 17 santralên nukleerê yên welat betal bike. Fransayê jî plana xwe saz kiriye ku heta sala 2035'an 14 santralên nukleer ên li welat betal bike.