Diyarname
Hunermend Sezen Aksu li Londonê konsereke da û di konserê de peyama aştiyê pêşkêş kir.
Li cihê dîrokî Royal Albert Hall a li Londona Îngilistanê Sezen Aksu konsere pêşkêşî 6 hezar kesî kir.
Konsera ku rastî bûyera li Çelê hat bû mijara axaftina Aksu jî. Sezen Aksu wisa got: "Ez dîsa dibêjim aştî. Berî ku em mirovatiya xwe winda bikin ez dibêjim gavek zûtir aştî. Tu armanceke mirovan ji aştiyeke bi rûmet ne biqîmetir e."
Sezen Aksu bi strana "Lal"ê dest bi konserê kir û bi strana "Rakkas"ê konsera xwe bi dawî kir.
Di sala 1976'an de Zeki Muren li Royal Albert Hallê konser dabû û piştî Muren, Sezen Aksu duyemîn kesa ji Tirkiyeyê li wê derê konserê dide. Aksu di sala 2007'an de jî dîsa li wê derê konser dabû.
Royal Albert Hall ku bi mîmariya xwe ya gilover û bi akustîkiya xwe ve li Îngilistanê di nav avahiyên girîng de ye. Ev avahî di sala 1971'ê de hatibû çêkirin û Kralîçeya Îngilistanê Victoria ev der vekiribû.
Di vê navberê de, albuma Sezen Aksu "Optum" di 5'ê rezberê de li Îngilistanê derketibû piyaseyê û bi vê yekê Aksu yekemîn hunermeda Tirkiyeyê ye ku albuma wê li Îngilistanê derdikeve piyaseyê.