Diyarname

Li Meclisa Tirkiyeyê ji bo sala bê raniştinên li ser butçeya MEB'a (Wezareta Perwerdehiya Neteweyî) Tirkiyeyê didomin. Di civîna duh de HDP'ê pêşniyarnameya ji bo perwerdehiya bi kurdî da, lê komîsyonê pêşniyarname red kir.

Di vi warî de HDP 4 pêşniyar name dan lê bi dengên mebûsên AKP û MHP'ê hatin redkirin. Sedem jî wekî xala 3'yan û 42'yan a Zagona Bingehîn hat nîşandayîn.

Di axaftinên komîsyonê de Mebûsê HDP'ê yê Batmanê Mehmet Ruştu Tiryaki wisa got: "Li Tirkiyeyê ji dibistana seretayê heta zanîngehê bi îngilîz, fransizî, almanî ders tê dayîn lê kurdên ku hûn dibêjin birên me ne hûn bi zimanê wan perwerdehiyê nadin. Ger niyeta wezerate ya çareseriyê heba dê çareserî bidîta. Jig bo Beşên Wêje û Zimanê Kurdî jî tezên bi kurdî qebûl nakin."

Mebûsê HDP'ê yê Şirnexê Hasan Ozguneş jî wisa got: "Kurt tune, kurdî tune, Kurdistan tune. Wê çaxê hin tiştan nîşanî me bidin ku em ji fezayê hatine û em jî bêjin 40 mîlyon kurd li vê erdnîgariyê nîn in. Lê ez bi xwe dîrokzan im, ji sumeran heta niha kurd di nav belgeyan de hene ligel erdnîgariya xwe."

Mebûsê HDP'ê Garo Paylan jî li ser perwerdehiya pirzimanî dîtinên xwe anîn ziman.