Diyarname

Li dinyayê kîjan welat herî zêde pirtûkan dixwîne? Her hemwelatî çend pirtûkan dixwîne û çend saetan ji bo xwendinê vediqetîne? Bersiva van pirsan Ajans Pressê derxist holê.

Ajans Presê ji daneyên "Global English Editin" ku navenda wê li Îngilistanê sûde wergirt û encam derxist holê.

Li gor encama derketiye welatê herî zêde pirtûkan dixwîne Hindistan e. Li Hindistanê bi giştî her hemwelatî hefteyê 10 saet û 42 deqîqe pirtûkan dixwîne.

Va ne agahiyên ku Ajans Pressê belav kirin:

- Ji 10 qelatên herî zêde ji bo xwendina pirtûkan wext vediqetînin 6 jê ji Asyayê ne, 4 jî li Ewropayê.

- Hindistan di warê xwendina pirtûkan de bi hefteyê 10 saet û 42 deqîqe de di rêza yekemîn de ye. Dûre Tayland bi 9 saet û 24 deqîqeyê duyem^ni e. Hemwelatiyên Çînê hefteyê 8 saet ji bo xwendina pirtûkan vediqetînin û bi vê di rêza sêyemîn de ne.

- Ji bilî van 3 yên pêşîn, 7  welatên din ku bi rêzê ketine nava rêza 10'ên pêşîn ev in:  Fîlîpîh (7 saet û 36 deqîqe), Misir (7 saet û 30 deqîqe), Çekya (7 saet û 24 deqîqe), Swêd (7 saet û 6 deqîqe), Fransa (6 saet û 54 deqîqe), Macaristan (6 saet û 48 deqîqe) û Erebistana Siûdî (6 saet û 48 deqîqe).

- Tirkiye di nav lîsteyê de di rêza 18'emîn de cih girtiye.

Ajans Pressê li ser 15 hezar nûçeyên çapemeniya nivîskî, kanalê TV û malperan lêkolîn kiriye û hejmara nûçeyên li ser pirtûkan jî derxistiye holê. Li gor vê lêkolînê di sala 2019'an de 640 hezar û 509 nûçe li ser pirtûkan hatine belavkirin, di sala 2020'î de ev daketiye 606 hezar û 820. Îsal heta niha 586 hezar û 253 nûçe hatine belavkirin. Di lêkolînê de hatiye dîtin ku weşanan herî zêde bala xwe daye ser fûara pirtûkan ku sedî 56'ê van nûçeya li ser fûar û naveroka li ser fûaran bûye.

***

MAIL: diyarname@diyarname.com