SILÊMANÎ
Pirtûka nû ya siyasetmedar Mihemed Emîn Pêncwênî ya bi navê ‘Çûn bum be pird?’ (Ez çawan bûm pir?) ku têde behsa gelek bîranînên xwe dike derket.
Pirtûka Pêncwênî hat çapkirin û li tevahiya Herêma Kurdistana Federe hat belavkirin. Di rojên pêş de ji bo danasîna pirtûkê dê merasimek li dar bikeve.
Pirtûka ku nû derket û ji 485 rûpelan pêk tê gelek bîranînên wî pêşkêş dike. Di pirtûkê de bîranên Pêncwênî yên ji sala 1960'î ve heta niha hene. Di nav van bîranînan de dema wî ya pêşmergetî, hevdîtina ligel siyasetmedaran, hevdîtinan ligel Abdullah Ocalan jî cih digire. Ocalan ji bo Pêncwênî gotibû "Pirê di navbera Başûr û Bakur de". Pêncwênî ji vê gotinê navê pirtûka xwe kiriye "Ez çawa bûm pir?"
Mihemed Emîn Pêncwênî kî ye?
Siyasetmedar Mihemed Emîn Pêncwênî di sala 1944’an de li navçeya Pêncwênî ya girêdayî Silêmaniyê hatiye dinê. Di salên 1960’an de nasîbûna wî li gel Tevgera Şoreşgerên Kurdî çêdibe. Demekê pêşmergetî kiriye. Di jiyana xwe ya siyasî de ligel gelek serokên partiyên kurdan daye û standiye. Ew endamê KNK'ê ye. Pêncwênî hê jî wekî kesekî azad xebatên xwe yên siyasî didomîne, dem bi dem fikrên xwe tîne ziman.