Diyarname

Fîlmê ke go Festîvala Fîlman Kozaya Zêrîne ya Edene de bikoy pêşbazî eşkera bî. Fîlmê bi kurdî "Govenda Ali û Dayka Zîn" zî di miyanê bernamî de wa.

Festîvala Fîlman a Edene emsar miyanê 13-19'ê ene aşme de 28'inan rey yena viraştişî. 45 fîlmî qeybî pêşbazî hamey şirawitişî, 10 fîlmî înan ra hamey weçînayişî. Fîlmê ke qeybî pêşbazî hamey weçînayişî eniyê:

Fîlmê Mehmet Alî Konarî "Govenda Alî û Dayika Zîn", ê Nisan Dage “Bir Nefes Daha”, ê Bariş Sarhanî  “Cemil Şov”,  ê Hakki Kurtuluş û Melik Saraçoglu “Dermansiz”,  ê Erdal Rahmi Hanayî “Fuad”,  ê Sinan Sertelî “îçîmdekî Kahraman”, ê Erkan Tahhuşoglu “Koridor”, ê Muhammet Çakiralî “Lacivert Gece”, ê  Tufan Taştanî “Sen Ben Lenin” û ê Ahmet Necdet Çupurî  “Yaramaz Çocuklar”

Di festîvaley emsarî de beşê "Pêşbaziya Fîlmê Metrajdirêjî ya Neteweyî", "Pêşbaziya Fîlmê Kilmî a Miyanneteweyî", "Pêşbaziya Fîlmê Kilmî ê Wendoxan", "Fîlmê Kilmî yê Edene" estê û fîlmî di binê enî beşan de kunê pêşbazî.

Fîlmê Tufan Taştanî "Sen Ben Lenîn" Festîvala Stenbolî de Xelata Taybet a Jurî girot bî.

Fîlmê Ahmet Necdet Çupur “Yaramaz Çocuklar” Festîvaley 2021 Visions du Reel’de hame mitroyişî û Xelata Taybet a Jurî girot.