Diyarname

Kovara çandî û wêjeyî ya bi kurdî û erebî Şermola hejmara xwe ya 11'an derxist. Kovarê di vê hejmarê de dosyaya "Zimanê Dayikê" girtiye dest.

Kovara Şermola li Rojava sê mehan carek derdikeve. Di vê hejmara havînê de dosyaya "Zimanê Kurdî" bi van gotinan pêşkêş kiriye: "Ziman di nava neteweyekê de gencîneya paşeroj û pêşerojê ye. heger zimanê miletekî winda bibe dê hemû çand û kevneşopiyên wî jî ji holê rabin. Her wisa paşeroja wî jî winda dibe. Ji ber ziman ji bo civak û neteweyan gelekî girîng e. Lewra dewlemendiya neteweyan di zimanê wan de diyar dibe. Ango mirov dikare bibêje ku mercê sereke yê neteweyîbûnê ziman e, heger tu netewe bî pêwîst e zimanekî te yê taybet hebe. Parastin û xwedîderketina li ziman erkeke neteweyî ye."

Berzo Mehmûd bi "Zimanê Dayikê.", Beşîrê Mele Newaf  bi "Giringiya Zimanê Dayikê Di Perwerde û Hînkirinê De", Merwan Bereket bi  "Zimanê Dayikê, Zikmakî, Dayîk, Mak. Ji Van Gelo kîjane Rast e?", Aram Hesen bi "Di Pêşvebirina Civakan De Girîngiya Ziman" ked daye dosyaya kovarê.

Ji bilî vanê Arşek Baravî, Lem'a Mihemed Elî bi lêkolînên xwe di kovarê de cih girtine. Aram Hesen ligel nivîsek bi hevpevyîneke jî ked daye kovarê. Hesen liger lêkolîner û zimanzan Samî Tan hevpeyvînek kiriye.

Nêrgiz Ismayîl jî bi sernavê "Jin di navbera çande resen û sexte de" nivîseke nivîsiye. Her wiha nivîs, helbest û çîrokên van kesan di kovarê de hatine weşandin: Abdrullah Ocalan, Occo Mahabad, Mîdiye Berekat, Hesen Xalid, Evdirehman Çadircî, Îsmet Hesen, Mihemed Welîd, Siyabend Siyaroj, Diyar Bohtî, Şerîf Mihemed, Welîd Bekir.

Kovar di hejmara bê de dê dosyaya "Di wêjeyê de çîrok" amade bike û banga tevlîbûnê kir. 

Ji bo têkilî:

shermola2018@gmail.com