Diyarname

Li welatên Ewropayê ceribandinên xebata hefteyê tenê 4 rojan didome. Li welatên wekî Spanya, Îzlanda, Fînlandiya, Îngilistanê nîqaş û ceribandinên wisa çêbûbûn. Niha encameke erênî ji Îzlandayê hat.

Mînaka nû Îzlanda ye

Li Îzlandayê ligel sedî 1'ê xebatkaran ceribandinan xebata hefteyê 4 rojan hat kirin. Bêyî heqdestê wan bê kêm dema saeta xebatê ji bo hefteyekê wekî 35-36 saet hat ceribandin.

Ligel karker, xebatkarên ofîs, nexweşxane û xizmetên civakî ev ceribandin çêbû. Ew hefteyê çar rojan di navbera saetên 09.00 - 17.00'an de dan xebatê. Ji bo vê herêmek wekî navend hat hilbijartin. Di navbera salên 2015- 2019'an de 2 hezar û 500 kes beşdarî vê xebatê bûn, encam erênî derket.

Di nav jiyan û derûniya kesên beşda bûne de hat dîtin ku aramî xwe nîşan daye, stes û hesta têkçûna heta astek daketiye.

Spanyayê meha adarê biryar da

Li Spanyayê di meha adara 2021'ê de xebata 4 rojan hate des pê kirin. Di meha adarê de Parlemena Spanyayê biryar da ku li herêmeke pîlot ev xebata 4 rojan bê dest pê kirin.

Konfederasyonê biryar girtibû

Li Kraliya Yekbûyî Konfederasyona Karkeran pêrar di konferansa xwe de biryar girtibû ku ew dixwazin rojên xebatê ji 5 rojan daxin 4 rojan. Konfederasyonê gotibû emê ji niha û pêde ji bo dema xebatê hefteyê ji 5 rojan dakeve 4 rojan ewê têbikoşin. Li aliyê din di sala 2020'î de 45 mebûsên Partiya Karkeran a Îngilistanê ji bo hikumet lêkolînê bike û gavan biavêje banga avakirina komîsyoneke kiribû.