HESEKÊ

Kongreya Yekemîn a Yekîtiya Mamosteyên Bakur û Rojhilatê Sûriyê roja 18'ê pûşherê bi diruşmeya "Bi yekîtiya mamosteyan re em ê yekîtiya gelan ava bikin" li hola Serdem a taxa Mişêrfê ya bajarê Hesekê li dar ket.

MAMOSTEYAN PERWERDEHÎ PÊŞ XIST

Endama Koordînasyona TEV-DEM'ê Taz Başa di kongreyê de axivî û kongre li tevahiya mamosteyên Bakur û Rojhilatê Sûriyê pîroz kir. Taza Başa diyar kir ku zêdetirî 80 hezar mamosteyan xwe bi rêxistin kir û di mercên zehmet de ku herêm tê re derbas dibe dikarîbûn asta perwerdeyê li Bakur û Rojhilatê Sûriyê  pêş bixin.

Her wiha Başa diyar kir ku kongre li ser asta Bakur û Rojhilatê Sûriyê û bi beşdarbûna tevahî, pêkhate, ol, netewe, çand û etnîk li dar dikeve û ev beşdarbûna bersiva herî xurt li hemberî astengiyan e.

MAMOSTE AVAKARÊN PÊŞEROJÊ NE

Hevserokê Desteya Pewerde û Fêrkirinê Receb El-Mişrif jî lidarxistna kongreyê pîroz kir û hêvî kir ku bi biryarên girîng ji bo mamsote û xwendekaran encam bide.

El-Mişrif li ser girîngiya birêxistina mamosteyan sekinî û got: "Mamoste pêşengên zane yên avakirina pêşerojeke ronîkirî û nifşekî zane û rewşenbîrî ne."

Di kongreyê de rêziknameya mamosteyan hat nîqaşkirin û di dawiyê de jî hilbijartin çêbû. Di hilbijartinê de Nesrîn Reşik û Casim El-Ebdullah ji bo Hevserokatiya Yekîtiya Mamosteyên Bakur û Rojhilatê Sûriyê hatin hilbijartin. 

ANHA

Ji bo kanala Youtubê ya Diyarnameyê: