Diyarname

Li gelek welatan ciwan nikarin heqê rê bibînin ji bo herin û werin lê li wir biryar e: Serê her ciwanê bi ser 18'an de dê 300 Euro bidin wan ku ji bo çalakiyên çand û hunerê bişopînin.

Em qala Fransayê dikin. Heta niha li 14 herêmên welat ji bo ceribandinê ev xebat hatibû dest pê kirin lê niha biryar dan ku li temamê welat vê yekê pêk bînin.

Li dor 800 hezar ciwan ji vê xebatê fêdeyê dibînin. Pereyên wan li qertek ban kirin û ew ciwan ji wê qertê dê pereyên xwe xerc bikin. Ciwan bi van qertan dê bikaribin herin muzeyan, pirtûkan yan jî amûrên ji bo çand û hunerê bikar bînin bistînin; dê bikaribin herin qursa dansê, yan jî enstrumanên muzîkê bistînin. Her wiha ger bixwazin ji bo endamtiya malperên çandî yên online jî bi vî pereyî bikar bînin.

Li Fransayê ji ber pandemiyê şeş mehan salonên sînemayê û muzexane girtî man, lê vê hefteyê vekirin.

Serokomarê Fransayê Emmanuel Macro di hilbijartina 2017'an de soza qerteke wisa dabû û niha bi TîkTokek 30 saniyeyî nîşan da ku dikarin bi vî qertî çi bikin.