Diyarname
Ji Iniesta, Buffton, Xavi heta Aguero û Ronaldo, vane ji sporê çend nûçeyên ku derketine pêş.
Buffton ji Juventusê vediqete
Qeleparêzê navdar Gianluigi Buffon ê 43 salî dawiya salê ji Juventusê vediqete. Peymana wî ligel klûba Juventusê bi dawî dibe û qeleparêz Buffon gotiye, "Ligel Juventusê ev dema xweş û dirêj dawiya îsal bi dawî dibe. Yan ezê dest ji fûtbolê berdim yan jî cihek ku heyecanê bide min ezê herim wir. Ez bawerim ji bo Juventusê her tiştê ji min hat min kir."
Buffon di sala 2001'ê de bi pereyeke bilind ji Parmayê transferê Juventusê bû. Di sala 2018-2019'an de çû PSG'ê û dîsa vegeriya Juventusê. Buffon bû 19 sal ku formaya Juventusê li xwe dike. Îsal di 12 maçan de cih girt.
Iniesta 2 seran peyman newe kerd
Kaykerdoxê Barselona yê bi name û veng Andres Iniesta di serey 2017-2018'inan de peymanê cê qediyabî û Barselona ra şîbî Japonya. Iniesta tîmê Vissel Kobe de dest bi kaykerdişî kerd bû. Iniesta enka di serê bînî peymano newe viraşt û heta serey 2022-23'yinan go Japonya de bo.
Tîmê Visel Kobe Lîgo 1'în ê Japonya de kay keno. Iniesta ê 37 sere heta enka di 77 maçanê Vissel Kobe de kay kerd, 1 golî eyştî, 18 jî asîstî day.
Xavi peyman dirêj kir
Lîstikvanê Barselonayê yê berê yê navdar, teknîk dîrektorê El Sadd Çavî (Xavi) peymaneke nû ligel tîmê saz kir. Tîma Katare El Sadd ligel teknîk dîrektorê 41 salî ji bo du salên din peyman nû kir.
Çavî li Barselonayê 8 caran di lîgê de, di Lîga Şampiyonan 4 caran, di Tîma Neteweyî ya Spanyayê de 2 caran di Şampiyoniya Ewropayê de û carek jî di Kûpaya Cîhanê de bi ser ket. Xavi piştî Barselonayê çûbû El Saddê û li wir dest ji fûtbolê berdabû. Di 86 maçên wir de 22 gol avêtibû. Paşê li wir dest bi teknîk dîrektorî kiribû. Tîma Sadd di bin teknîk dîrektoriya Xavi de îsal bi 60 pûanan bû şampiyon.
Aguero şino Barselona
Çapemenî katalanî vat ke kaykerdoxê Manchester City (MC) Sergio Aguero yeno Barselona. Rojnameyanê katalan Mundo Deportivo û La Vanguardia vat ke kaykerdoxo 33 sere Baselonayê dir hamey werê û dimay maçey Lîgê Şampiyonan ke 29'ê ene aşme Chelsea dir kaykenê, ew do bêro Barselona.
Aguero di 10 seranê Manchester City de kay kerd tam 258 golî eyştî. Heta enka yewî qasê ê tîmê MC de golî nêeyştê. Aguero tîmê xo de 5 reyan zî bî şampiyonê Premier Lîgî.
Ji Ronaldo dîroka 100'î
Lîstikvanê Portekîzî Cristiano Ronaldo dawiya vê hefteyê li Juventusê dîsa gol avêt û li Juventusê gihîşt gola 100'î. Bi vê yekê ew li dinyayê bû yekemîn kes ku li sê tîmên cuha bi ser 100'î re golan diavêje.
Cristiano Ronaldo heta niha bi formaya Real Madrîdê 450, bi formaya Machester Unitedê jî 118 gol avêtibûn. Ronaldo niha bi formaya Juventusê jî gihîşt 100 golî û dîrokek nû li dîroka fûtbolê zêde kir. Ronaldo bi formaya Tîma Neteweyî ya Portekîzê jî 103 gol avêtine.
Juventus vê dawiya hefteyê ligel Sassuolo lîst di deqîqeya 45'an de gol avêt. Juventus bi 3-1 bi ser ket.