Diyarname

Her du hikumetan bi hev re biryar da: 15'ê Gulana 2021'ê li ser sînorê Başûr û Rojava konsereke mezin lidar dikeve.

Nûçe ji aliyê Ajansa Nûçeyan a Hawarê (ANHA) ve hate weşandin. Li gor ANHA'yê çar hunermendan Xelîl Xemgîn, Şivan Perwer, Nasir Rezazî û Hoşeng Kamkar pêşniyar ji bo hikumeta Herêma Kurdistana Federe û Rêveberiya Rojava re biriye û gotiye ew dixwazin li ser sînorê Başûr û Rojava konserek organîze bikin. Li gor agahiyan, hunermendan gotiye ewê platforma li ser stranan bêjin bi qasî 50 metre fireh be û nîvê wê li aliyê Başûr nîvê wê li aliyê Rojava bikeve. 

ANHA'yê wisa got kiriye: "Hunermendên kurd dema pêşniyar ji bo rêveberiyan biriye pêşî gotine 'çawa dê tiştek wisa çêbe', lê paşê ji aliyê Başûr Serokwezîr Mesrûr Barzanî û li aliyê Rojava Îlham Ehmed biryar daye ku çi alîkarî lazim be dê bikin û li gor vê ferman dane kompaniyên organîzasyonê."

Ji hunermendan Xelîl Xemgîn jî ji bo ajansê wisa gotiye, "Me xwest Roja Zimanê Kurdî, 15'ê Gulanê de konserek çêbikin ku ev yek hem ji bo zimanê me hem ji bo yekîtiya me baş be. Li ser vê me biryar da li ser sînor çêbikin. Mala wan ava her du rêveberiyan jî qebûl kir. Niha me dest bi amadekariyan kiriye. Ji bilî me hin hunermendên kurd ên din jî dê di konserê de amade bin."

Ajans radigihîne ku dê şahiyeke mezin çêbiben û li bendê ne ku bi sed hezaran kes beşdar bibin.

Ger heta vê derê we ev nûçe xwendibe mala we ava. Bizanibin ku îro 1'ê Avrêlê/Nîsanê Roja Henekan a Dinyayê ye.