Diyarname

Li dinyayê kêm mînakên wisa hene: Tîmek fûtbolê bibe şampiyon û piştî şampiyoniyê tenê bi sê mehan îflasa xwe pêşkêş bike. Em qala tîma fûtbolê ya çînî JFC'ê dikin.

Klûba Fûtbolê ya Jiangsu (JFC) di Lîga Super a Çînê de 3 meh berê bû şampiyon, lê niha hat ragihandin ku klûb ji ber bêderfetiya madî tê girtin. Şampiyon, bêderfetî helbet nayê berhev û bi ser de jî yek ji şirîkên klûbê Suning e.

Em niha hinek din meseleyê vekin: Sunîng kargehek karê perakende dike û kargehek mezin e. Ev Suninga ku yek ji şîrêkên klûba JFC'yê ye di lîga bilind a Îtalyayê Serî A de jî  şîrêkê mezin ê klûba Interê ye.

Klûbê peyameke wisa belav kiriye, "Lîstikvanên me klûb heta şampiyonÎ anî û ev yek rûmetek mezin e. Alîgirên me jî di vê rêwîtiyê de piştgirî da me. Lê bi xemgînî em radigihînin ku emê piştgiriya xwe ya madî ya ji bo klûbê bidin rawestandin." Ev peyam her çiqas ji klûbê hatine belavkirin jî wekî peyama Suningê dixuye. Loma jî gotina Suningê muhîm e. Xwediyê kompaniya Suningê Zhang Jindong diyar kiriye ku ji ber Covid-19 hin xebatên bazirganî yên kompaniyê ewê bidin rawestandin, di sala 2020'an de di nav serdemeke zehmet de mane. Jindongî wisa gotiye, "Ji niha û pêde emê tenê bala xwe bidin ser bazirganiyê. Emê hemû razemenî û sponsoriyên xwe yên din bidin rawestandin."

Rayedaran gotiye ewê Tîma Fûtbolê ya Jiangsu û hemû tîmên biçûk ên jêrîn betal bikin.

Di Lîga Super a Çînê de berê jî tiştên wisa qewimîbûn lê helbet ev rewşek cuda ye. Di avrêla 2020'an de tîma Shangong Luneng ji ber bêderfetiyên madî beşdarî Lîga Şampiyonan a ASyayê nebûbû. Di dawiya 2020'an de jî tîma Tianjin Tianhai îflas kiribû. Çapemeniya Çînê radigihîne ku tîma Tianjin Tigers ku tîma heman bajarî ye îhtîmal e heman tiştî bijî.