Diyarname

Serokdewletê Dewleta Yekbûyî yê Amerîkayê Joe Biden îro sond xwar û dest bi peywirê kir. Cîgira wî Kamala Harris jî sond xwar û bû yekemîn Cîgira Serokdewletê DYA'yê ya reşik ku bi eslê xwe ji Asyayê.

Biden li gor saeta Tirkiyeyê saet  20.00'an sond xwar û bû 46'emîn Serokdewletê DYA'yê.

Biden wekî kevneşopî ligel jina xwe pêşî çû dêrê. Biden wekî duyemîn Serokdewletê DYA'yê yê katolîk ji bo diakirinê çû dêra "St. Matthew the Apostle".

Dûre merasima sondxwarinê li dar ket. Joe Biden sond xwar û  piştî sondxwarinê wisa got; "Îro roja Amerîkayê ye. Hat dîtin ku demokrasiya me çiqas xesas û îro demokrasî bi ser ket. Çend roj berê şîdetê bingeha paytextê hejant lê em bûn yek. Bidestxistina rayeyê bi rêya aştiyane me saz kir."

Biden bal kişand ser Zagona Bingehîn a wan ku çiqas xurt e û wisa got: "Fikra Serok Carter jî wisa bû. Ew bi xwe ne li vir e lê duh bi telefonê ligel wî min xeber da. Çîroka Amerîkayê ne bi kesan ve girêdayî ye. Em gel in, neteweyeke mezin in. Gelek tiştên ku em sererast bikin hene. Dibe ku niha em kêliyên herî dijwar ên dîroka xwe dijîn. Di salekê de ji şerê cîhanê zêdetir me amerîkayî winda kirin. Ji bo em li dijî neyarên xwe şer bikin divê em yek bin. Em rûpeleke nû vekin û em dest pê bikin ku guh bidin hev. Ezê bibim serokê hemû amerîkayiyan."