Diyarname
Sînemagerê navdar Yilmaz Guney di 27'emîn salvegera wefata xwe li Stenbolê ji aliyê jina wî Fatoş Guney û komek sînemager ve hat bibîranîn. Di bîrînanîde Fatoş Guney got: "Yilmaz Guney mirovek di nav dîwarên kevir û tiliyên hesin de qîrîna xwe bi cîhanê da bihîstin û di vî alî de bi serkeftî bû."

Çalakiya bîranîna ji bo Yilmaz Guney li Salona Sînemaya Beyogluyê ya li Beyogluya Stenbolê li dar ket. Di çalakiyê de "Dîwar" hat nîşandayîn.

Di bîranînê de Fatos Guney, Mebûsên BDP'ê Sirri Sureyya Onder û Sebaht Tuncel, Serokê Giştî yê ODP'ê Giştî Alper Taş, rojnameger Can Dundar, derhêner Zekî Demîrkubuz û Huseyîn Karabey, rexnegirê sînemayê Atîlla Dorsay û gelek kesên din amade bûn.

Di şevê de rojnameger Dundar piştî temaşekirina dîmenên "Dîwar" ê Yilmaz Guney got: "Bi vî fîlmî min fêm kir ku çiqas min bêriya cesareta Guney kiriyê. Lê wî fîlmê Zindana Amedê nekişand. Hê jî em bi tiştên wî ji me re hiştiyê îdare dikin."

Fatoş Guney jî wisa got: "Ew sînemager, aktor, nivîskar, şoreşger bû. Ew her tim alîgirê kurdan, bindestan, elewiyan, karkeran û gelên cîhanê bû."
Guney got ku Yilmaz Guney 30zsal berê li ser pirsgirêka demokrasî, li ser ya kurd sekiniye û ev yek lê zêde kir: "Ji ber ku jiyana xwe li ser van tiştan derbas kir rastî cezaxwarinan hat û mecbûr ma welatê xwe biterikîne. Ew ji hemwelatî hat derxistin û wekî 'xayîn' hat îlankirin.

Guney paşê nameya Yilmaz Guney ku di sala 1979'an de li Girtîgeha Selîmiye ya Leşkerî ya li Stenbolê jêre şandibû xwend.