Diyarname
Li ser hişyariya EUFA'yê, Federasyona Fûtbolê ya Tirkiyeyê (TFF) biryar da ku ji dêvla tîma Fenerbahçeyê tîma Trabzonsporê beşdarî Lîga Şampiyonan bibe.
Li Tirkiyeyê ev çend meh in meseleya şîkeyê rojev dagirtiye. Pêre jî her roj tiştinên nû derdikevin. Dadgehê hê biryar nedaye ku yekî/ê, yan jî tîmekî sûcdar bike û ceza bidê. Dadgeh hê didome. Li ser vê yekê hefteya borî Serokê TFF'ê Mehmet Ali Aydinlar eşkere kir ku niha tu tîmek ji lîgê dê nekeve, lîg wisa dê bidome û di tîmên ku li ser navê Tirkiyeyê beşdarî kûpayên Lîga Şampiyonan û Lîga Ewropayê dibin de tu guherîn nîn e. Lê îro rewş guherî. TFF'ê biryar da ku ji dêvla Fenerbahçeyê, Trabzon spor beşdarî Lîga Şampiyonan bibe. Gotin ku EUFA'yê gotiye yan dê tîm vekişe, yan TFF dê tîmê diçe Lîga Şampiyonan biguherîne, ev yek nebin em bi xwe emê cezayê bibirin. Li ser vê yekê Fenerbahçeyê ev biryar qebûl nekir û TFF'ê biryara xwe da. Lê TFF'yê ku hefteyeke berê gotibû Fenerbahçe dê di Lîga Şampiyonan de bilîze, îro biryareke wisa dide. Ev tenê bi serê xwe nakokiyeke mezin e.
Nivîskarên sporê vê rewşe rexne dikin. Vane dîtinên nivîskarên sporê:
Bagiş Erten:
Em vê pêvajoyê baş bi rê ve nabin.
Di bi vî awayî girtina vê biryarê de kêmasiya TFF, ya dadgehê û darizînê jî heye.
Mehmet Demirkol:
Xwezî me bi xwe ev mesele hel bikira. Niha, piştî hatina sermufetîşê UEFA'ye biryareke wisa hat girtin. Yanê em karê xwe bi xwe çareser nakin. Tenê em aboriya vê jî bifikirin em lîstikê jî têk dibin. Bi ya min em dest pê nekin.
Ugur Vardan:
UEFA hat vê derê, wekî 'waliyên herêma dagirkirî', got: "Hûn vê meseleyê çareser nakin."
Pozê me şikiya. Em hê wekî welatên cîhana sêyemîn in. Kekên me yên li jor biryarê didin. Baweriya min ev e ku divê federasyon îstîfa bike.
Me kaos her bi paş ve xist, pirsgirêk mezintir bû.
***
Nûçeyên eleqedar:
***
Nûçeyên eleqedar:
- "Şîke"ya Tirkiyeyê bû "Şik" e!
- Vê carê pêlê li Beşîktaşê da
- Di fûtbola Tirkiyeyê de Pêla Duyemîn a Şîkeyê
- Serokê Fenerbahçeyê Aziz Yildirim hat girtin