Diyarname
Hate gotin ku solîstê koma rockê ya îrlandî U2, Bono li Fransayê ji ber "êşa di singê wî de" ew rakirine nexweşxaneyê lê Bono bi daxuyaniyeke eşkere kir ku ev nûçe derew in.

Berdevkê komê bi daxuyaniyeke diyar kir ku nûçeyên "Bi awayekî lezgîn Bono rakirine nexweşxaneyê" ne rast in, tenduristiya Bonoyê 51 salî gelek baş e û niha tevî malbata xwe li başûrê Fransayê di betlaneyê de ye.

U2 ku bilêtên konserên wê rekorên firotinê dişkînin, niha tûrneya xwe ya dinya temam kir. Di vê tûrneyê de ji ber nexweşiya pişta Bono hin konserên wan hatibûn betalkirin.

U2 ku par li Tirkiyeyê jî konser dabû li ser mafên mirovan jî pejinkar e. Solîstê komê Bono, Fehmi Tosunê ji Amedê ku di sala 1995'an de hatibû binçavkirin û hatibû windakirin jî anî bû rojevê. Bi vê yekê re windakirinên li Tirkiyeyê ketibûn rojeva dinyayê.