Diyarname

Vê hefteyê didu ji Tirkiyeyê 5 jê ji derveyî Tirkiyeyê 7 fîlm ketin vîzyonê. Fîlmê Derhêner Ganî Ruzgar Şavata û Hakan Gurtop ku li ser hunermend Ahmet Kaya bi navê "İki Gozum Ahmet" kişandibû jî ket vîzyonê. Malbata Kaya dijî fîlm derketibû û gotibû ku bê destûr hatiye kişandin.

Fîlmê din ê ji Tirkiyeyê jî fîlmê derhêner Seyîd Çolak e. Fîlmê ku pêş li 41'emîn Festîvala Fîlman a Moskovayê hat nîşandayîn, li Tirkiyeyê jî li Festîvala Meletî hat nîşandayîn li hin cihan bi xelat vegeriya û niha di vîzyonê de ye.

Ji fîlmên biyanî "Pînokyo" derdikeve pêş. Fîlmê derhêner Matteo Garrone bi lîstikvaniya Roberto Benigni, Federico Ielapi, Rocco Papaleo û Marine Vacth derket pêşberî sînemahezan.

Kûklaya darîn Pînokyo ji destê merengozê dilrehm Geppetto derketiye û meraqa wî li ser dinyaya derve ye. Rojek direve û dixwaze wekî mirovan zindî bibe. Periyek ku rastî Pînokyo tê dibêje ji bo ev daxwaza te bê cih divê tu di ezmûneke dilpola de bi ser bikevî. Pînokyo dê bikeve nav jiyaneke nû, dostên nû bibîne û maceraya wî ya bi surprîz dest pê bike.

Ev in hemû fîlmên ku vê hefteyê ketine vîzyonê:

- Patients o a Saint / Derhêner Russell Owen

- Double Trouble and The Magical Mirror / Derhêner Marcus H. Rosenmuller

- Pinokyo / Derhêner Matteo Garrone

- Freaky / Derhêner Chirstopher Landon

- Follow Me / Derhêner Will Wernick

- Kapan / Derhêner Seyid Çolak

- İki Gozum Ahmet / Derhêner Ganî Ruzgar Şavata, Hakan Gurtop