Diyarname
Rojen Barnas nekarî navê xwe bikole lê Şêx Hamad Bin Hamdan El Nahyan karî.

Helbestvan Rojen Barnas nivîsî "Min navê xwe kola li Bircên Diyarbekir" digel vê gotinê jî Barnas nekarî navê xwe bikole lê Şêx Hamad Bin Hamdan El Nahyan navê xwe li çolê kola û ev yek ji fezayê jî dixuye.

Ji malbata mîrîtiya Abû Dabî Şêx Hamad Bin Hamdan El Nahyan li çola Girava El Futaysî bi tîpên mezin ku kîlometreyek fireh, 3.2 kîlometre dirêj navê HAMAD nivîsî. Ev nav ji fezayê jî bi rehetî tê xwendin.

Her du tîpên pêşîn ên nav wekî coyeke çêkirine, pêlek ku ji behrê raste rast dikeve nava wê loma jî pêl xira nabin.

Şêxê ereb wisa dewlemend e, bi vê dewlemendiya xwe jî navdar e. Vane hin agahiyên li ser serweta wî:

- Serweta wî 22,5 mîlyar dolar e.
- 200 erebeyên wî hene.
- Mala xwe di şiklê pramîtê de çêkiribû û kamyona herî mezin a dinyayê dabû çêkirin.