Diyarname

Hunermend Mem Ararat ev demek e ji ser tora civakî re mîzginiya xebata nû belav dike. Hezkiriyên wî li bendê bûn. Û îro strana "Pesna Evînê" belav kir.  Gotinên stranên aîdê Mem Ararat bi xwe û aranjeya wê Mem Ararat û Azad Yilmaz kiriye.

Stran ji ber tora civakî re hat weşandin. Em vê stranê wekî wekî Klîba Hefteyê hildibijêrin û pêşkêşî we dikin.

Pêşî gotinên stranê û paşê fermo guhdarîkirin:

PESNA EVîNÊ

Kî ji ku bê û bi ku ve here

Li bexçeyê te dicive

Kanîya jiyanê evîn

Rûyê kulîlka gêlazê

Ji xeybaneyan dizê

Tova jiyanê evîn

Helbesta kevir û daran

Xêz dibe li diyaran

Şên dike erd û ezman

Hubra yezdan e evîn

Şên dike der û dorê

Sêhra dara hinarê

Ken didize ji biharê

Stêrka giyan e evîn

Rêyeke bi histirî

Bi kêfxweşî xwîn dibe

Hem dikene û hem digirî

Coşa hêsran e evîn

Gefa li rûyê mirinê

Dibe ken û rûdinê

Sor û zer dike dinyayê

Pifa Xwedan e evîn

Gotin û Muzîk : Mem Ararat

Fermo:
PESNÊ EVÎNÊ