Diyarname

Kovara xêzan Zrîng ku di serdema pandemiyê de ji ber pirsgirêka belavkirinê çend meh navber dabû weşana xwe vê mehê carek din dest bi weşanê kir û derket.

Kovara ku mehane weşana xwe dike, bi hejmara xwe ya 7'an silav li xwendevanên xwe kir. Kovarê gotina Wezîrê Xezîne û Maliyeyê yê Tirkiyeyê Berat Albayrak ku li ser bilindbûna dolarê gotibû "Ma hûn bi dolaran meaşê xwe digirin?" bûye berga kovarê û di karîkaturê de dayikek feqîr wisa dibêje, "Wezîr rast dibêje, çi karê me bi dolaran heye!"

Kovara ku di hejmarê berê de zêdetir karîkatur, xêzeroman hebûn û nivîskarên wê hindik bûn di vê hejmarê de çend kesên din li nivîskaran zêde kirine. Ji van Mahmut Erbey  “Xeto”, Zindan “Berçem”, Şêx Zubêr “Xwezî”, Îkram Balekanî “Mi Go", Ozgur Amed “Xalê Weysî dimeşe, korona jê diweşe”, Mem Aliyê Kamûr  “Ewraq Bûro” û Azad Kuti “Meselokên Me” nivîsiye.

“Tirşik”, “Mehlûqatên Eşref”, “Sosretîk”, “Melle”, “Tabletên Beredayî”, “Evînên Sist” hin xêzên ku di kovarê de cih girtine.