Diyarname

Roco pandemî dest pa kerdo heta eyro jo qeybî temaşekrdinê maçanê fûtbolî nêşiyo stad. Enda Îngilistan de beyray benê a.

Çaway vîrusê korona zêde bî vila maçî hamey betalkerdişî. Dimara hamey kaykerdişî la bê temaşevan û heta enka her maçî bê temaşevanan hamey kaykerdişî. Enka keyepela Lîgê Fûtbolî yê Îngilistanî (EFL) xebere kerde vila ke eno hefte di 10 maçanê Îngilistan Championship, Lîgê 3'inan (League One) û Lîgê 4'inan (League Two) de go seyrkerdoxan bigîrê stad.

Di Championship de maçey Luton Town-Derby County, Middlesbrough-Bournemouth, Norwich City-Preston North End; di Lîgê 3'nan de maçey Blackpool-Swindon Town, Charlton Athletic-Doncaster Rovers, Hull City-Crewe Alexandra, Shrewsbury Town-Northampton Town û di Lîgê 4'inan de go maçey Carlisle United-Southend United, Forest Green Rovers-Bradford City û Morecambe-Cambridge United de go şar şoro ro maçan temaşe bikero.

Enka go tay seyrkerdoxan bigîrê stad, la rêveberê lîgî fikirênê ke serê aşmey vernî ma de hûmarey seyrkerdoxan zêde bikerê.

Di enî lîgan de go temaşevanan bigîrê la lîga pîle ya Îngilistanî di Premier Lîg de hema biryarêke anayîn çiniyo û maçê yînan bê seyrkerdoxan yenê kaykerdişî.

Di Îngilistan de Lîgê Championship dimay Premier Lîgî zey lîgo 2'yin yeno hesabkerdişî.