Diyarname
Bloombergî lîstey CEO'yan ê ke serey 2019'inan de zehf pere kar kerdê eşkera kerd. Serê lîste de CEO'yê Tesla û SpaceX Elon Musk esto.
Bloombergî serê CEO'yanê ke DYA de kar kenê û par tewr zehf pere kar kerdê lîste kerde hedre. Di rêza yewîn de Must esto ke par ê 595 mîlyon dolarî pere kar kerdo. Dimay ê, CEO'yê Apple Tim Cook û CEO'yê Charter Communications Tom Rutledge yenê.
Cookî 133.7 mîlyon dolarî, Rutledge zî 117 mîlyon dolarî perey qezenc kerdê.
CEO'yê Alphabet (kompaniya corîn a Goole'î) Sundar Pichai bi 86 mîlyon dolarî di rêzey 8'inan, CEO'yê Sarepta Therapeutics Inc. Douglas Ingram bi 70.2 mîlyon dolarî di rêzey 10'inan de ca giroto.
Di miyanê lîsteya 100 CEO'yanê zêde here kar kerdê de tenî 4 pîrekan ca giroto. Lisa Su (Advanced Micro Devices Inv) bi 55.8 mîlyon dolarî di rêzey 19'inan, Safra Catz (Oracle Corp.) bi 43. 4 mîlyo dolarî di rêzey 36'inan de, Marillyn Hewson (Lockheed Martin Corp.) bi 32.8 mîlyon dolarî di rêzey 60'î de, Sheryl Sandberg (Facebook Inc) jî bi 31.8 mîlyon dolarî di rêzey 72'yinan de ca girota.
Fermo 10 CEO'yê tehr zehf pere kar kerdê:
1- Elon Musk: 595 mîlyon dolar
2- Tim Cook. 133.7 mîlyon dolar
3- Tom Rutledge: 117 mîlyon dolar
4- Joshep Ianniello: 116.6 mîlyon dolar
5- Sumith Singh: 108.2 mîlyon dolar
6- Jonathan Gray: 107.6 mîlyon dolar
7- Robert Sam: 99 mîlyon dolar
8- Sundar Pichai: 86.2 mîlyon dolar
9- Satya Nadella: 77.3 mîlyon dolar
10- Douglas Ingram: 70.2 mîlyon dolar