Diyarname
Tîmê Îngilistanî Liverpool dimay 30 seray newe bî şampiyon û şande bi merasimêke kûpay xwu girote.
Şande maçey Liverpool û Chelsea bîbî. Tam 8 golî hamey eştişî.
Chelsea qeybî şoro Lîgê Şampiyonan cêrê tenê pûanêke lazim bî. Zehf xo ver da, re rey hema hema paştey Liverpoolî dayne erd zî lê nêbî, Liverpoolî bi 5-3 maçe girote.
Di deqîqey 23'nan de Liverpoolî bi Keita, 38 de bi Aleksander-Arnold û deqey 43'nan de bi Wijnaldum bi 3-0 raver şî. Tam nîmew yewîn ê maçe qediyayde Chelsea deqe 45+3 de bi Grioud bersiv da û encam bi 3-1.
Di nîmew diyin de Liverpoolî deqe 55 de bi Firmino golêke eyşte û va maçe ê min e: 4-1. La Chelsea pes nêkerdê û deqe 61 de bi Abraham, 73 de zî bi Pulisic bersiv da: 4-3.
Dimay ene joy ra Chelsea zehf atakî kerdî, zey birûske ver bi qelay Liverpoolî ra şîne la fêyde nêda û deqe 84 de Okslade-Chamberlain vatişo peyîn vat: 5-3.
Seromanî kûpa viraziya
Dima ra maçe qediya zey verî organîze kerd bî qeybî girotişê kûpa seramonî viraziya.
Teknîk dîrektor Jurgen Klopp û kaykerdoxê ê destê efsaneyê Liverpoolî Kanny Dalglish ra kûpa girote. Liverpool 30 sere verî, serey 1989 de lîg de bîbî şampiyon.
**
Xeberêke derheqê ene joy de:
- Piştî 30 salan Liverpool bû şampiyon