Silêmanî

Hunermendê kurd Eta Çavşîn ku bi vîrusa koronayê ketibû li Nexweşxaneya Şehîd Aso ya Silêmaniyê wefat kir.

Hunermend Eta Çavşîn roja 22'yê pûşpera 2020'an, saet li dor 05'ê sibê wefat kir.

Eta Çavşîn hunermendekî navdar ê bajarê Silêmaniyê bû. Ew roja 17'ê pûşpera 2020'an bi vîrusa koronayê ketibû û biribûn nexweşxaneyê.

Hunermend Eta Çavşîn di salên 1980'yan dest bi karê hunerî kiriye û ji wê rojê de gelek ked dabû vê qadê. Strana wî ya ku herî zêde tê zanîn strana "Ho Xerîb Mero" ye.

Peyama sersaxiyê
Li aser wefata hunermend Çavşîn, Desteya Rêveberiya Tevgera Azadî peyamek weşand û ji bo malbat û hunermendan sersaxî xwest. Di peyamê de wisa hat gotin: "Hunermend Eta Çavşîn wekî stranbêjek karî rihek zindî bide hemû hunermendan. Hunermend Eta hertim wekî têkoşerek bê berjewend û beramber, bi dengê xwe hunerê zindî kir û pêşkêşî gelê me kir.”
Li Başûr rewşa dawî

Heta niha li bajarên Başûr 3 hezar û 865 kes bi vîrusê ketine, ji van 1 hezar û 392 kes baş bûne û 111 kesan jî mirine.