Metîn Yoksu / MA / Batman
Li Heskîfê cihê bi navê Qesra Biçûk a ku dîroka wê digihîje 900 salî û ji aliyê Eyûbiyan ve hatiye çêkirin di bin Bendava Ilisûyê de ma.
Li Heskîfa dîrokî ku ji ber Bendava Ilisûyê di bin avaê de ma, di bin navê parastina qadên dîrokî de rêbaza "enjeksiyonê" hat bikaranîn û deverên dîrokî hatin betonkirin. Bi vê rêbazê bi dehan şikeft hatin betonkirin û dora dîwarên kelehê jî bi betonê hatin girtin. Çendî ku hat gotin tevdîr hatine girtin jî lê belê derket holê ku Qesra Biçûk a 900 salî di bin avê de maye.
Qesra Biçûk ku aîdê dema Eyûbiyan e û temenê wê nêzî 900 salî ye, di bin avê de ma. Piştî hêdî hêdî di bin avê de ma Wezareta Çandê li qesrê û dora qesrê dest bi lêkolînê kir. Li gor agahiyên bi dest ketine ji ber baş nehatiye sazkirin ji cihek av diçe hundir û bi vî awayî qesr di bin avê de ma.
Li ser vê em jî çûn cihê ku Qesra Biçûk lê ye. Cihê ku av tê re diavêje bi awayekî zelal tê dîtin û kar û barên ji bo valakirina ava di qesrê de jî didome. Lê belê nayê zanîn ku vê avê zirareke çawa daye qesrê.
Li aliyê din tê gotin ku kevirên kirêcîn ku pê dora wir pêçane lê nekarine pêşî li avê bigirin, wisa bidome dê bibe sedema talûkeyên mezintir.
**
Hevpeyvînek li ser Heskîfê:
- Kûsiyên Firatê û 50 hezar mirov dê li ku bijîn?