Diyarname

Zey heme welata Dewletê Yewbîyî Amerîka (DYA) da zî sedemê vîrusê korona viraştişê fîlm û rêzefîlman hameybî vindertişî, enka yînan biryar da ke newera dest bi kar bikerê.

DYA de eyaletî est ê û eyaletî heta astêke eşkenê bi serey xo biryaran bigîrê. Eyaletê Calîforniya biryar da ke produksiyonên fîlm û rêzefîlman eşkenê dest bi kar bikerê. Gorey biryarê eyaletî ra heftew vernî rey înan akerdiya.

Walî Calîfornîa Gavin Newsom di rocî erî bi serê online ra bi henî wayîranê sektorê fîlm û rêzefîlman ra xeberî da û dimara biryar da ke dişemey vernî ma ra pey dest bi viraştişê fîlm û rêzefîlman bikerê. Derhêner Ava DuVerney û Ted Sarandos zî komcivîne de hedrey bî. Derhêner DuVerney vat ke xwu ra Koreya Başûr, Îzlanda û Swêd de dest bi viraştişê fîlman kerdê.

Sarandosî zî serê mesela de ana vat: "Eyro karê ma ew niyo ma keye de bimanê ya nêmanê, karê ma ew o ke ma go çawey ageyrê serê karî? Merdim eşkeno sera se çareserî ke ene mesela ra bivîno. Merdimê ma yê biaqilî est ê ke serê ene mesela de xebetênê."

Gorey biryarê newî ra cayê de bi ewle yê go fîlman bancê, qeybî cayê bi ewle nêbê hema biryar nêdayê.